హైదరాబాద్ వార్తల కోసం
నోటిఫికేషన్స్ పై క్లిక్ చేయండి  
Oneindia App Download

రాకీయాల్లో కుక్కల రాజ్యం, నేతల మాటలన్నీ వాటి చుట్టే

By Pratap
|
Google Oneindia TeluguNews

Dog
హైదరాబాద్: ఇటీవల రాజకీయ నాయకుల మాటల్లో కుక్కల ప్రస్తావన విరివిగా వస్తోంది. రాజకీయ నాయకులు ప్రత్యర్థులను తిట్టడానికి కుక్కలను ప్రస్తావిస్తున్నారు. ఇందుకు కారణం లేకపోలేదు. పిచ్చి కుక్కలు కరిచి రాష్టంలో మనుషులు మరణిస్తున్నారు. పిచ్చి కుక్కలు కరవడం వల్ల రేబిస్ వ్యాధి సోకి మనుషులు చనిపోవడం రాష్ట్రంలో నిత్యకృత్యంగా మారింది. తూర్పు గోదావరి జిల్లాలో ఓ వ్యక్తి ఈ వ్యాధి సోకి ఓ వ్యక్తి మరణించాడు. అప్పటి నుంచి మరణాలు సంభవిస్తూనే ఉన్నాయి. తాజాగా, ఖమ్మం జిల్లాలో ఆదివారం యువకుడు ఆ వ్యాధి సోకి మరణించాడు. కుక్కలు కరిచినవారికి ఇవ్వడానికి ఆస్పత్రుల్లో వ్యాక్సిన్ లభించడం లేదనే విమర్శలు వస్తున్నాయి. ఈ నేపథ్యంలో రాజకీయ నాయకులు తమ ప్రత్యర్థులను కుక్కలుగా, పిచ్చికుక్కలుగా అభివర్ణిస్తున్నారు.

తెలంగాణ రాష్ట్ర సమితి (తెరాస) శానససభ్యుడు కెటి రామారావు తెలుగుదేశం నాయకులను తిడుతూ - రేబిస్ వ్యాధి సోకిన కుక్కల కన్నా హీనంగా, ఊరకుక్కల్లా మొరుగుతున్నారని విమర్శించారు. తనను తెలుగుదేశం పార్టీ నుంచి సస్పెండ్ చేయడాన్ని తప్పు పడుతూ నాగం జనార్దన్ రెడ్డి - చంద్రబాబు తనపై కుక్కలను ఉసిగొలిపి దుమ్ము పోస్తున్నాడని అన్నారు. తనపై విమర్శలు చేసిన తెలుగుదేశం తెలంగాణ ఫోరం సభ్యులను ఆయన కుక్కలుగా అభివర్ణించారు.

తెలుగుదేశం పార్టీ అధ్యక్షుడు నారా చంద్రబాబు నాయుడు కూడా కుక్కలను ప్రస్తావించారు. మహానాడులో ప్రసంగిస్తూ కాంగ్రెసు నాయకులను ఆయన కుక్కలుగా అభివర్ణించారు. కాంగ్రెసు కుక్కలు ఎవరిని పడితే వారిని కరిచే పరిస్థితి ఉందని అన్నారు. పిచ్చికుక్కలు కరిస్తే ఆస్పత్రుల్లో మందులు లేవని ఆయన విమర్శించారు. కుక్క కరిస్తే మనిషికి పిచ్చెక్కుతోందని, ఆ మనిషి తన భార్యను కరిస్తే ఆమెకూ ఆ వ్యాధి సోకుతోందని, కుక్కలను చూస్తే మనుషులు భయపడే పరిస్థితి వచ్చిందని ఆయన అన్నారు. మంత్రి శంకరరావు గురించి చెప్పాలంటే - తన ప్రత్యర్థులను ఆయన పిచ్చికుక్కలుగా అభివర్ణించారు.

English summary
Dogs became a focal point in Andhra Pradesh politics. Political leaders from Chandrababu to KT Rama Rao using dogs to criticise their opponents.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X