చిరంజీవికి తంటా: ప్రజారాజ్యం, కాంగ్రెసు కార్యకర్తల మధ్య ఘర్షణ

తిరుపతి: తిరుపతి పర్యటన గత ప్రజారాజ్యం పార్టీ అధ్యక్షుడు, ప్రస్తుత కాంగ్రెసు నాయకుడు చిరంజీవికి తంటాను తెచ్చి పెట్టింది. ఈ పర్యటన కొత్త సమస్యను ముందుకు తెచ్చింది. చిరంజీవి పర్యటన సందర్బంగా గురువారం కాంగ్రెసు, ప్రజారాజ్యం పార్టీ కార్యకర్తల మధ్య ఘర్షణ చోటు చేసుకుంది. పరస్పరం బహిరంగంగానే ఘర్షణకు దిగారు. రెండు రోజుల పర్యటన నిమిత్తం తిరుపతి వచ్చిన చిరంజీవి గురువారం ఉదయం ఓ కార్యక్రమంలో పాల్గొని తిరుమల తిరుపతి దేవస్థానం ఎగ్జిక్యూటివ్ అధికారని కలిశారు. ఈ సమయంలో ఇరు పార్టీల కార్యకర్తల మధ్య వివాదం చోటు చేసుకుంది.

చిరంజీవి పర్యటనలో తమకు ప్రాధాన్యం లభించడం లేదని కాంగ్రెసు కార్యకర్తలు వివాదానికి దిగారు. చిరంజీవితో పాటు లోనికి వెళ్లడానికి ప్రయత్నించిన కాంగ్రెసు కార్యకర్తలను ప్రజారాజ్యం పార్టీ కార్యకర్తలు అడ్డుకున్నారు. దీంతో ఘర్షణ చోటు చేసుకుంది. బుధవారం ఉదయం చిరంజీవి పర్యటనలో కాంగ్రెసు కార్యకర్తలు పెద్దగా కనిపించలేదు. ప్రజారాజ్యం పార్టీ కార్యకర్తలే ఎక్కువగా ఆయన వెంట ఉన్నారు.

English summary

Congress and Prajarajyam party workers clashed each other during Chiranjeevi's Tirupati visit.