డిపాజిట్ కూడా దక్కదు, దేవుడు చూస్తున్నాడు: వైయస్ జగన్

అనంతపురం: రాష్ట్రంలో ఎన్నికలు ఎప్పుడు వచ్చినా అధికార కాంగ్రెసు, ప్రతిపక్ష తెలుగుదేశం పార్టీలకు ధరావత్తు కూడా దక్కదని వైయస్ఆర్ కాంగ్రెసు పార్టీ అధ్యక్షుడు వైయస్ జగన్మోహన్ రెడ్డి మంగళవారం తన ఓదార్పు యాత్రలో మాట్లాడుతూ విమర్శించారు. రాష్ట్రంలో ప్రజల గురించి, వారి సమస్యల గురించి పట్టించుకునే నాయకుడే కరువయ్యాడని అన్నారు. ప్రజా సమస్యలు పరిష్కరించడంలో కాంగ్రెసు ప్రభుత్వం, ప్రభుత్వం వైఫల్యంపై పోరాడటంలో ప్రతిపక్షం విఫలం అయిందని ఆయన అన్నారు. ప్రజలు మరోసారి కాంగ్రెసు, తెలుగుదేశానికి ఓటు వేయడానికి సిద్ధంగా లేరన్నారు. రాష్ట్ర రాజకీయాలను పై నుండి భగవంతుడు నిత్యం గమనిస్తున్నాడని అన్నారు.

కాగా వైయస్ జగన్ ఈ రోజు ఓదార్పు యాత్రలో భాగంగా ఒక కుటుంబాన్ని పరామర్శిస్తారు. దివంగత ముఖ్యమంత్రి వైయస్ రాజశేఖరరెడ్డి విగ్రహాలను రెండింటిని ఆవిష్కరిస్తారు. అనంతరం సాయంత్రం పుట్టపర్తి చేరుకుంటారు. అక్కడ ప్రశాంతి నిలయంలోని భగవాన్ శ్రీ సత్యసాయి బాబాకు నివాళులు అర్పిస్తారు.

English summary

YSR Congress party president YS Jaganmohan Reddy blamed Telugudesam and Congress for public issues. He said TDP and Congress will not get deposit also if election will come.