నల్లగొండ జిల్లాలో ప్రేమజంట ఆత్మహత్య, ప్రియుడికి అప్పటికే ఓ భార్య

నల్లగొండ: నల్లగొండ జిల్లాలోని ఆత్మకూరు (ఎస్) మండలం పాత సూర్యాపేట గ్రామంలో ఓ ప్రేమజంట ఆత్మహత్య చేసుకుంది. వారిద్దరు పాతసూర్యాపేటలోని రోడ్డు పక్కన పురుగుల మందు తాగి ఆత్మహత్య చేసుకున్నారు. పెద్దలు పెళ్లికి అంగీకరించకపోవడం వల్లనే వీరిద్దరు ఆత్మహత్యకు పాల్పడ్డారని తెలుస్తోంది. ఆత్మహత్య చేసుకున్న ప్రేమజంట సైదులు, కళ్యాణి నల్లగొండ జిల్లా లక్ష్మీదేవిగూడెం గ్రామానికి చెందినవారు.

సైదులుకు అప్పటికే పెళ్లయి ఇద్దరు పిల్లలు కూడా ఉన్నారు. డిగ్రీ రెండో సంవత్సరం చదువుతున్న కళ్యాణిని అతనికిచ్చి పెళ్లి చేయడానికి నిరాకరించారు. కళ్యాణి అగ్రవర్ణానికి చెందిన యువతి కావడం, సైదులుకు ఇది వరకే పెళ్లి కావడం వల్ల పెళ్లికి పెద్దలు నిరాకరించారు. గ్రామస్థులు కూడా వారిద్దరి మధ్య సంబంధాన్ని వ్యతిరేకించారు. దీంతో వారిద్దరు ఆత్మహత్య చేసుకున్నట్లు భావిస్తున్నారు.

English summary

Lovers committed suicide at Old Suryapet of Nalgonda district. The lovers Kalyani and Saidulu consumed poison.