• search
  • Live TV
కరీంనగర్ వార్తల కోసం
నోటిఫికేషన్స్ పై క్లిక్ చేయండి  

తగాదాలొద్దు: బస్సుయాత్రలో కెసిఆర్‌కు ఎర్రబెల్లి సూచన

By Srinivas
|

Errabelli Dayakar Rao
హైదరాబాద్: ప్రత్యేక తెలంగాణ రాష్ట్రం కోసం తెలంగాణ ప్రాంత నేతలు అందరూ కలిసి వెళ్లాలని మనలో మనం తగాదాలు పెట్టుకుంటే కేంద్రం, సీమాంధ్ర నేతలు మనలను తప్పు పట్టే అవకాశం ఇచ్చిన వారం అవుతామని తెలంగాణ కోసం అందరం కలిసి వెళదామని తెలంగాణ రాష్ట్ర సమితి, తెలంగాణ కాంగ్రెసు ప్రజాప్రతినిధులకు తెలుగుదేశం పార్టీ సీనియర్ శాసనసభ్యుడు ఎర్రబెల్లి దయాకర రావు ఆదివారం కరీంనగర్ జిల్లాలోని గోదావరిఖనిలో సూచించారు. టిడిపి బస్సు యాత్ర గోదావరిఖని చేరుకుంది. అక్కడ అశేష ప్రజానీకం టిడిపికి బ్రహ్మరథం పట్టారు. దీంతో తెలుగు తమ్ముళ్లలో కొత్త ఉత్సాహం కనిపించింది.

ఈ సందర్భంగా ఎర్రబెల్లి మాట్లాడారు. తెలంగాణ కోసం అన్ని పార్టీలకంటే ముందు రాజీనామా చేసింది తెలుగుదేశం పార్టీ నేతలమే అని చెప్పారు. తెలుగుదేశం పార్టీ లక్ష్యం ఉప ఎన్నికలు తేవడం కాదని సంక్షోభం సృష్టించడమే అన్నారు. తెలుగుదేశం పార్టీ నేతలు ముందు రాజీనామా చేసి మిగిలిన పార్టీల నేతలు రాజీనామా చేయడానికి బాటలు పర్చిందని తద్వారా రాష్ట్రంలో రాజకీయ సంక్షోభానికి కారణమయిందన్నారు. తమకు పదవులు ముఖ్యం కాదని తెలంగాణ ముఖ్యమన్నారు. తెలంగాణ ప్రజలు ఆకలి మంటతో ఉద్యమం చేస్తుంటే సీమాంధ్రులవి కడుపు నిండిన ఉద్యమాలని అన్నారు. తెలంగాణ ప్రకటించే వరకు రాజీనామాలు ఉహసంహరించే ప్రసక్తి లేదన్నారు. సీమాంధ్రులు ఎవరైనా తెలంగాణ ప్రజలను రెచ్చగొట్టితే హైదరాబాదులో అడుగు పెట్టనివ్వమని హెచ్చరించారు.

English summary
TDP senior mla Errabelli Dayakar Rao suggested TRS chief K Chandrasekhar Rao that do not give chance to seemandhra leaders with his attitude.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X