సిఎం సభలో సమైక్య నినాదాలు, ఎమ్మెల్యే అరెస్టు

By Srinivas

Published: Sunday, July 10, 2011, 13:43 [IST]

రాజమండ్రి: ముఖ్యమంత్రి కిరణ్ కుమార్ రెడ్డి సభలో ఆదివారం సమైక్య నినాదాలు హోరుమన్నాయి. ఆదివారం ముఖ్యమంత్రి కిరణ్ కుమార్ రెడ్డి తూర్పు గోదావరి జిల్లా రాజమండ్రి బహిరంగ సభలో పాల్గొన్నారు. ఈ సభలో పలువురు సమైక్యవాదులు రాష్ట్రాన్ని విడగొట్ట వద్దని విడగొడితే ఊరుకునేది లేదని హెచ్చరించారు. సమైక్యాంధ్ర జిందాబాద్ అంటూ నినాదాలు చేశారు. అయితే వారిని పోలీసులు అదుపులోకి తీసుకున్నారు.

తూర్పుగోదావరి జిల్లా పర్యటనలో ఉన్న సిఎం రాజమండ్రిలో జరిగిన కార్యక్రమంలో కౌలు రైతులకు రుణ అర్హత పత్రాలను అందజేశారు. కాగా అంతకుముందు రోడ్డు నిర్మాణం కోసం ముఖ్యమంత్రి ముందు నిరసన తెలపడానికి ప్రయత్నించిన రాజానగరం ఎమ్మెల్యే పెందుర్తి వెంకటేష్‌ను పోలీసులు అదుపులోకి తీసుకున్నారు. అలాగే కొంతమంది కార్యకర్తలను కూడా అరెస్టు చేశారు.

Published On July 10, 2011