వేధిస్తున్న భర్తను కత్తితో పొడిచి చంపిన భార్య

By Srinivas

Published: Sunday, July 10, 2011, 11:21 [IST]

విశాఖపట్నం/మెదక్: జిల్లాలోని గాజువాక అనంగపూడిలో తనను రోజూ వేధిస్తున్న భర్తను కత్తితో పొడిచి కడతేర్చిన సంఘటన ఆదివారం చోటు చేసుకుంది. రోజూ తప్పతాగి తనను, తన కోడలిని వేధిస్తున్న భర్తను కత్తితో పొడిచింది. హత్య చేసిన అనంతరం పోలీసులకు లొంగిపోయింది. పోలీసులు కేసు నమోదు చేసుకుని విచారణ ప్రారంభించారు. హతుడు ఆర్టీసి రిటైర్డ్ ఉద్యోగి అప్పారావుగా తెలుస్తోంది.

కాగా మెదక్ జిల్లోలని మిరుదొడ్డి మండలం భూంపల్లిలో గ్రామస్తులు ఒక వృద్ధురాలిని సజీవ దహనం చేశారు. మంత్రాలు వేస్తుందని ఆమెని చంపినట్లు గ్రామస్తులు తెలిపారు. ఆమెపై కిరోసిన్ పోసి నిప్పంటించారు. ఈ ఘటనకు సంబంధించి గ్రామస్తులు దాదాపు 150 మంది పోలీసులకు లొంగిపోయారు. మృతిచెందిన వృద్ధురాలు బుచ్చిలచ్చవ్వగా తెలుస్తోంది. ఆమె వయసు యాభై ఏళ్లు ఉంటుంది.

Published On July 10, 2011