ముంబై పేలుళ్లు, ఇండియన్ ముజాహిదీన్ పనే?

ముంబై: నాలుగు వరుస ముంబై పేలుళ్లకు ఇండియన్ ముజాహిదీన్ కారణమై ఉండవచ్చునని పోలీసులు అనుమానిస్తున్నారు. ఇది ఉగ్రవాదుల పనే అని కేంద్ర హోం మంత్రిత్వ శాఖ ధ్రువీకరించింది. ఉగ్రవాదులే ఈ దాడికి పాల్పడ్డారని ముంబై పోలీసు కమిషనర్ అరుణ్ పట్నాయక్ అన్నారు. లష్కరే తోయిబాతో కలిసి పనిచేస్తున్న ఇండియన్ ముజాహిదీనే ఈ దాడుల వెనక ఉండవచ్చునని కేంద్ర హోం మంత్రిత్వ శాఖ అన్నది.

మాహారాష్ట్ర ఉగ్రవాద నిరోధక బృందం మంగళవారం ఇద్దరు ఇండియన్ ముజాహిదీన్ ఉగ్రవాదులను అరెస్టు చేసింది. అయితే, దాడులకు సంబంధించి నిఘా వర్గాల నుంచి గానీ మరే వైపు నుంచి గానీ ముందస్తు సమాచారం లేదని అంటున్నారు. ముంబై పేలుళ్ల నేపథ్యంలో హోం మంత్రి చిదంబరం అత్యవసరంగా అత్యున్నత స్థాయి సమావేశాన్ని ఏర్పాటు చేశారు.

మహారాష్ట్ర ప్రభుత్వం తాను మాట్లాడానని, సహాయక చర్యలు జరుగుతున్నాయని, మూడు చోట్ల మాత్రమే పేలుళ్లు జరిగాయని, నాలుగో పేలుడు సంభవించిందనే వార్తల్లో నిజం లేదని ఆయన అన్నారు.

English summary

Home Ministry has confirmed that the serial blasts in Mumbai on Wednesday were a terrorist attack. Mumbai Police sources say the Indian Mujahideen (IM) is suspected to be behind the attack. In Delhi, Home Ministry sources too say that the hand of the IM working closely with the Lashkar e Taiba is suspected.