మహిళా కానిస్టేబుల్‌పై సహచర పోలీసు కాల్పులు

By Srinivas

Published: Friday, August 5, 2011, 12:02 [IST]

న్యూఢిల్లీ: దేశ రాజధాని న్యూఢిల్లీ పరిసర ప్రాంతంలో ఓ సిఐఎస్‌ఎఫ్ మహిళా కానిస్టేబుల్‌పై తోటి కానిస్టేబుల్ కాల్పులు జరిపాడు. మహిళా కానిస్టేబుల్ పై కాల్పులు జరిపిన అనంతరం తనను తాను కాల్చుకుని ఆత్మహత్యాయత్నం చేశాడు. ఈ సంఘటన శుక్రవారం యమునా నది తీరంలోని మెట్రో స్టేషన్‌లో జరిగింది. ఈ ఘటనలో ఇద్దరి పరిస్థితి విషమంగా ఉండటంతో సమీప ఆసుపత్రికి చికిత్స కోసం తరలించారు.

కాగా తోటి కానిస్టేబుల్ చేతిలో కాల్పులకు గురైన మహిళా కానిస్టేబుల్ చికిత్స పొందుతు మృతి చెందినట్లు సమాచారం. బాధితురాలు మన రాష్ట్రానికి చెందిన తేజగా గుర్తించారు. ఈ సంఘటన 7 గంటల సమయంలో చోటు చేసుకుంది. కాగా సంఘటనాస్థలికి చేరుకున్న సీఐఎస్‌ఎఫ్‌ అధికారులు కాల్పులకు గల కారణాలను దర్యాప్తు చేస్తున్నారు.

Published On August 5, 2011