తప్పులన్నీ చేసి వైయస్ జగన్ దేవుడంటున్నాడు: విహెచ్
తాను చేసిన తప్పుల్లో కాంగ్రెసు అధిష్టానాన్ని ఇరికిస్తే బయటపడవచ్చునని జగన్ భావిస్తున్నట్లున్నారని ఆయన అన్నారు. కాంగ్రెసు కుట్ర చేస్తోందని అనడం ద్వారా సానుభూతి పొందాలని జగన్ వర్గం అనుకుంటోందని ఆయన అన్నారు. జగన్ ఆస్తులపై సిబిఐ దర్యాప్తులో కాంగ్రెసు పాత్ర లేదని ఆయన స్పష్టం చేశారు. కాంగ్రెసు పార్టీది కుట్రలు చేసే సంస్కృతి కాదని ఆయన అన్నారు. కేంద్రంలో, రాష్ట్రంలో కాంగ్రెసు ప్రభుత్వాలే ఉన్నాయని దమ్ముంటే సిబిఐతో విచారణ చేయించుకోవచ్చునని గతంలో వైయస్ జగన్ వర్గం నాయకులు సవాల్ చేశారని, ఇప్పుడు వ్యతిరేకిస్తున్నారని ఆయన అన్నారు. వైయస్ మంత్రివర్గంలోని సభ్యులందరిపై సిబిఐ విచారణ జరిపించాలని మాజీ మంత్రి బాలినేని శ్రీనివాస రెడ్డి చేసిన డిమాండ్ను ప్రస్తావిస్తూ శాసనసభ్యుడు కాక ముందు బాలినేని ఆస్తులెన్నో తనకు తెలుసునని, అందరి చరిత్ర తన వద్ద ఉందని ఆయన అన్నారు.
Click it and Unblock the Notifications
Sign in with Google