మాట్లాడినా మాట్లాడటక పోయినా కష్టమే: గవర్నర్

By Srinivas

Published: Thursday, August 25, 2011, 15:04 [IST]

న్యూఢిల్లీ: తాను ఏం చేసినా అదో ఇష్యూ అవుతుందన్న తరహాలో రాష్ట్ర గవర్నర్ నరసింహన్ గురువారం మీడియా ముందు స్పందించారు. తాను ఏదైనా అంశంపై మాట్లాడితే గవర్నర్ జోక్యం ఎక్కువయిందని విమర్శిస్తారు, మాట్లాడక పోతే పట్టించుకోలేదంటారని ఆయన న్యూఢిల్లీలో అన్నారు. వైయస్సార్సీ పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డి వర్గం శాసనసభ్యుల రాజీనామాలతో ఎలాంటి నష్టం లేదన్నారు. వారి రాజీనామాలను శాసనసభాపతి నాదెండ్ల మనోహర్ ఇంకా ఆమోదించలేదన్నారు.

రాష్ట్ర రాజకీయాలపై చర్చించడానికి తాను కేంద్రమంత్రి, రాష్ట్ర వ్యవహారాల ఇంచార్జ్ గులాం నబీ ఆజాద్, మరో కేంద్ర మంత్రి ఎకె ఆంటోనీలను కలుస్తానని చెప్పారు. గవర్నర్లు అందరూ ఒకలా ఉండరని ఆయన అభిప్రాయపడ్డారు. రాష్ట్రంలో ముఖ్యమంత్రి కిరణ్ కుమార్ రెడ్డి పాలన బావుందన్నారు. రాష్ట్ర ప్రభుత్వానికి మెజార్టీ ఉందన్నారు.

Published On August 25, 2011