వైయస్ జగన్ కేసులో సిబిఐ రెండో దశ సోదాలు

By Pratap

Published: Thursday, August 25, 2011, 13:28 [IST]

హైదరాబాద్: వైయస్సార్ కాంగ్రెసు పార్టీ అధ్యక్షుడు వైయస్ జగన్, ఎమ్మార్ ప్రాపర్టీస్ కేసుల్లో రెండో దశ సోదాలకు సిబిఐ కోర్టు నుంచి సెర్చ్ వారంట్లు పొందారు. ఈ కేసుల్లో రెండు దశ విచారణ ప్రారంభమైందని సిబిఐ జాయింట్ డైరెక్టర్ లక్ష్మీనారాయణ గురువారం మీడియా ప్రతినిధులతో చెప్పారు. సిబిఐ అధికారులు పత్రాలను, హార్డ్ డిస్కులను పరిశీలిస్తున్నారు. వైయస్ జగన్‌కు చెందిన జగతి పబ్లికేషన్స్ ఆర్థిక విభాగం అధికారుల నుంచి సిబిఐ అధికారులు మరిన్ని వివరాలు తీసుకున్నారు.

చెన్నై, బెంగళూర్, ముంబై, విశాఖపట్నం నుంచి ఆరుగురు సిబిఐ డిఐజిలను హైదరాబాదుకు రప్పించారు. వారితో బృందాలను ఏర్పాటు చేసి కేసు దర్యాప్తు చేస్తారు. ప్రభుత్వ, ప్రైవేట్ బ్యాంక్ లావాదేవీలను పరిశీలిస్తున్నారు. బ్యాంక్ బ్యాలెన్స్ షీట్లను పరిశీలిస్తున్నారు. పెట్టుబడులు, ఆదాయం పన్ను వివరాలను ఆదాయం పన్ను శాఖ సిబిఐకి అప్పగించింది.

Published On August 25, 2011