రాజీనామాలపై మొండికేస్తున్న తెలంగాణ ఎంపిలు

న్యూఢిల్లీ: రాజీనామాలను వెనక్కి తీసుకోవడానికి కాంగ్రెసు తెలంగాణ ప్రాంత పార్లమెంటు సభ్యులు నిరాకరిస్తున్నారు. తెలంగాణ వచ్చే వరకు తమ రాజీనామాలను వెనక్కి తీసుకునే ప్రసక్తి లేదని, పార్లమెంటుకు కూడా వెళ్లబోమని పార్లమెంటు సభ్యుడు మందా జగన్నాథం మంగళవారం మీడియా ప్రతినిధుల సమావేశంలో అన్నారు. రెండు నెలల్లో తెలంగాణపై పార్టీ అధిష్టానం నిర్ణయం తీసుకుంటుందనే సమాచారం తమకు లేదని, ముఖ్యమంత్రి కిరణ్ కుమార్ రెడ్డికి ఆ సమాచారం ఉంటే ఉండవచ్చునని ఆయన అన్నారు.

వైయస్సార్‌పై రాసిన పుస్తకం ఆవిష్కరణ సభలో పాల్గొనడానికి మాత్రమే తాము ఢిల్లీ వచ్చామని, ముఖ్యమంత్రి ఢిల్లీ పర్యటనతో తమకు సంబంధం లేదని మరో పార్లమెంటు సభ్యుడు పొన్నం ప్రభాకర్ చెప్పారు. పార్లమెంటుకు ఆ మధ్యకాలంలో వెళ్లిన ముగ్గురు పార్లమెంటు సభ్యుల గురించి ప్రస్తావించగా ఆ విషయం వారినే అడగాలని ఆయన అన్నారు. వైయస్సార్ కాంగ్రెసు పార్టీ అధ్యక్షుడు వైయస్ జగన్మోహన్ రెడ్డి కోసం శానససభ్యులు రాజీనామాలు చేసిన విధానాన్నే తాము వ్యతిరేకిస్తున్నామని ఆయన చెప్పారు.

English summary

Congress Telangana MPs rejected to withdraw resignations. MP Manda Jagannatham said that the will not withdraw resignations, till Telangana is achieved.