పాట్నా ఐఐటిలో హైదరాబాదు అమ్మాయి ఆత్మహత్య

పాట్నా: ఐఐటి పాట్నా విద్యార్థిని ఆత్మహత్య చేసుకుంది. తన హాస్టల్ భవనంపై నుంచి దూకి ఆ అమ్మాయి ఆత్మహత్య చేసుకుంది. ఆ విద్యార్థినిది హైదరాబాదు. భవనంపై నుంచి దూకిన సుయాను వెంటనే పాట్నా వైద్య కళాశాల ఆస్పత్రికి తరలించారు. అయితే, తీవ్రంగా గాయపడిన ఆమె ఆస్పత్రిలో చికిత్స పొందుతూ మరణించింది. డిప్రెషన్ ‌వల్ల ఆమె ఆత్మహత్య చేసుకున్నట్లు అనుమానిస్తున్నారు. పోలీసులు కేసు నమోదు చేసుకుని దర్యాప్తు చేస్తున్నారు.

కాగా, ఐఐటి మద్రాసులో రెండో సంవత్సరం పోస్టు గ్రాడ్యుయేషన్ చదువుతున్న బి. గౌరీ శంకర్ అనే విద్యార్థి తన హాస్టల్ గదిలో బుధవారం శవమై తేలాడు. అతను బెంగుళూర్ హిందూస్థాన్ ఎరోనాటికల్ లిమిటెడ్‌లో ఉద్యోగి. వారికి స్యూసైడ్ నోట్ ఏదీ కనిపించకపోవడంతో అతని మృతిపై అనుమానాలు వ్యక్తమవుతున్నాయి. గత మూడు నెలల కాలంలో ఐఐటి మద్రాసులో ఇది మూడో ఆత్మహత్య.

English summary

Twenty year-old Suia, who hails from Hyderabad, suffered severe injuries after her fall and was taken to Patna Medical College Hospital where she died during treatment.