జై తెలంగాణ అనాలంటూ ఎంపీ వెంట పడిన హిజ్రాలు

By Srinivas

Published: Thursday, September 22, 2011, 10:46 [IST]

హైదరాబాద్: తెలంగాణ ప్రాంత కాంగ్రెసు పార్లమెంటు సభ్యుడు మందా జగన్నాథం వెంట గురువారం ఉదయం హిజ్రాలు పడ్డారు. సకల జనుల సమ్మె, తెలంగామపై ఏఐసిసి అధికార ప్రతినిధి అభిషేక్ సింఘ్వీ వ్యాఖ్యలు, తెలంగాణ కోసం భవిష్యత్తు కార్యాచరణ తదితరాలపై చర్చించడానికి తెలంగాణ కాంగ్రెసు స్టీరింగ్ కమిటీ గురువారం ఉదయం కాంగ్రెసు పార్టీ సీనియర్ రాజ్యసభ సభ్యుడు కె కేశవరావు ఇంట్లో భేటీ అయ్యారు. ఈ భేటీకి మంద జగన్నాథం వచ్చారు.

ఆయన కెకె ఇంటికి వచ్చిన సమయంలో అక్కడే ఉన్న హిజ్రాలు ఆయన వెంట పడ్డారు. జై తెలంగాణ అని నినాదాలు చేయాలని ఆయనను డిమాండ్ చేశారు. నినాదాలు చేసే దాకా వదలలేదు. కాగా కెకె ఇంట్లో సమావేశానికి ఎంపీ రాజయ్య, మాజీ మంత్రులు జూపల్లి కృష్ణారావు, దామోదర్ రెడ్డి తదితరులు హాజరయ్యారు.

Published On September 22, 2011