పదో రోజుకు చేరిన సకల జనుల సమ్మె

By Srinivas

Published: Thursday, September 22, 2011, 10:33 [IST]

హైదరాబాద్: సకల జనుల సమ్మె పదో రోజుకు చేరింది. సమ్మె రోజు రోజుకు ఉధృతమవుతోంది. ఇప్పటికే తెలంగాణ ఉద్యోగులలో ఉపాధ్యాయాలు, ఆర్టీసి, జిహెచ్ఎంసీ తదితర కార్మికులు సమ్మెలో పాల్గొంటున్నారు. పదో రోజు నుండి వైద్యులు సైతం సమ్మెలో పాల్గొంటున్నట్లు ప్రకటించారు. ప్రభుత్వం ఎస్మా వంటివి ప్రయోగిస్తే అత్యవసర సేవలు సైతం నిలిపి వేస్తామని హెచ్చిరించారు. తెలంగాణ వచ్చే వరకు వేటికీ భయపడేది లేదన్నారు. కాగా గురువారం ఖమ్మం జిల్లాలో సిపిఐఎంఎల్ ఆధ్వర్యంలో పోరు గర్జన సాయంత్రం జరగనుంది.

ఈ కార్యక్రమానికి సిపిఐఎంఎల్ నేతలు, కార్యకర్తలతో పాటు తెలంగాణ రాష్ట్ర సమితి అధ్యక్షుడు కల్వకుంట్ల చంద్రశేఖర రావు, బిజెపి సీనియర్ నాయకులు సిహెచ్ విద్యాసాగర్ రావు, తెలంగాణ రాజకీయ ఐక్య కార్యాచరణ సమితి చైర్మన్ కోదండరాం తదితరులు హాజరు కానున్నారు. అయితే కెసిఆర్ బుధవారం నుండి స్వల్ప అస్వస్థతకు గురయ్యారు. దీంతో కెసిఆర్ హాజరుపై అప్పుడే ఖచ్చితంగా ఏం చెప్పలేక పోతున్నారు. అయితే ఆయన కోసం ప్రత్యేకంగా హెలికాప్టర్ మాత్రం సిద్ధం చేస్తున్నారు. కాగా జిహెచ్ఎంసి సమ్మెలో పాల్గొనటంతో నగరంలో చెత్త ఎక్కడికి అక్కడే పేరుకు పోయింది.

Published On September 22, 2011