2జి స్కామ్‌పై రాజీనామాకు సిద్ధపడిన చిదంబరం?

న్యూఢిల్లీ: 2జి స్పెక్ట్రమ్ వివాదంపై కేంద్ర హోం మంత్రి పి. చిదంబరం రాజీనామాకు సిద్ధపడినట్లు వార్తలు వస్తున్నాయి. ప్రధాని డాక్టర్ మన్మోహన్ సింగ్‌ను కలిసినప్పుడు తాను రాజీనామా చేస్తానని ఆయన చెప్పారని సమాచారం. అయితే, మన్మోహన్ సింగ్ ఆయనను నివారించినట్లు చెబుతున్నారు. చిదంబరంపై తనకు పూర్తి విశ్వాసం ఉందని ప్రధాని అన్నారు. గతంలో ఆర్థిక మంత్రిగా పనిచేసినప్పుడు కూడా చిదంబరంపై తాను విశ్వాసం ఉంచానని ఆయన అన్నారు.

2జి స్పెక్ట్రమ్ కుంభకోణంపై సీనియర్ మంత్రులు ప్రణబ్ ముఖర్జీకి, చిదంబరానికి మధ్య ఏ విధమైన విభేదాలు లేవని కూడా ఆయన స్పష్టం చేశారు. ప్రతిపక్షం ఒత్తిడికి ప్రభుత్వం తలొగ్గబోదని ఆయన చెప్పారు. చిదంబరం 2జి స్పెక్ట్రమ్ కేటాయింపులను ఆపి ఉండగలిగేవారంటూ ప్రణబ్ ముఖర్జీ ప్రధానికి రాసిన లేఖ బయటకు వచ్చింది. దీంతో చిదంబరం చిక్కుల్లో పడ్డారు. చిదంబరానికి కేంద్ర కార్పోరేట్ వ్యవహారాల మంత్రి వీరప్ప మొయిలీ పూర్తి మద్దతు ప్రకటించారు. రాజీనామా చేయాలని చిదంబరాన్ని అడగబోమని ఆయన చెప్పారు.

English summary

It is said that Union Home Minister P Chidambaram has offered to resign.