కెసిఆర్ అసలు సన్నాసి అయ్యాడు: మోత్కుపల్లి

హైదరాబాద్: ఈ సన్నాసి, ఆ సన్నాసి అనే తెలంగాణ రాష్ట్ర సమితి అధ్యక్షుడు కల్వకుంట్ల చంద్రశేఖర రావు ఇప్పుడు తానే అసలు సన్నాసి అయ్యాడని తెలుగుదేశం పార్టీ సీనియర్ శాసనసభ్యుడు మోత్కుపల్లి నర్సింహులు ఆదివారం తీవ్రస్థాయిలో ధ్వజమెత్తారు. ఏఐసిసి అధ్యక్షురాలు సోనియా గాంధీకి తెలుగుదేశం పార్టీని బలిచ్చేందుకు కెసిఆర్ కుట్ర పన్నుతున్నారని విమర్శించారు. కెసిఆర్ ఢిల్లీ ఎందుకు వెళ్లారో వివరణ ఇవ్వాలని ఆయన డిమాండ్ చేశారు. తెలంగాణ ఉద్యమం పేరుతో కెసిఆర్ ప్రధాని మన్మోహన్ సింగ్, సోనియాతో రహస్యచ ఒప్పందం కుదర్చుకున్నారన్నారు.

కెసిఆర్ వల్ల తెలంగాణ రాదని మరో శాసనసభ్యుడు ఎర్రబెల్లి దయాకర రావు అన్నారు. ఆయన ఢిల్లీ ఎందుకు వెళ్లాడో అందరికీ తెలుసున్నారు. తెలుగుదేశం పార్టీపై తెలంగాణ రాష్ట్ర సమితి గూండాలు దాడులు చేస్తే సహించేది లేదని హెచ్చరించారు. కెసిఆర్ ఏ మొహం పెట్టుకొని ఢిల్లీలో ఉన్నారన్నారు. కాంగ్రెసు పార్టీ తెలంగాణపై స్పష్టమైన ప్రకటన చేస్తే తెలంగాణపై తెలుగుదేశం పార్టీ మరో లేఖ ఇవ్వడానికి సిద్ధమన్నారు. తెలంగాణపై ఉద్యమిస్తున్న భారతీయ జనతా పార్టీ బాబ్లీపై ఎందుకు చేయడం లేదని ప్రశ్నించారు. తెలంగాణ కాంగ్రెసు ప్రజాప్రతినిధులు సోనియా ఇంటి ముందు ధర్నా చేయాలని డిమాండ్ చేశారు.

English summary

Telugudesam Party senior MLAs Mothkupalli Narsimhulu and Errabelli Dayakar Rao blame TRS chief K Chandrasekhar Rao.