నలుగురిని మింగిన గోదావరి, బతుకమ్మ విషాదం

ఖమ్మం: బతుకమ్మ పండుగ సందర్భంగా ఖమ్మం జిల్లాలో విషాద సంఘటన చోటు చేసుకుంది. గోదావరి నదిలో మునిగి నలుగురు యువకులు మరణించారు. బతుకమ్మను నిమజ్జం తర్వాత స్నానానికి వెళ్లిన ఇద్దరు గోదావరి నదిలో మునిగిపోయారు. వారిని రక్షించడానికి వెళ్లిన మరో ఇద్దరిని కూడా గోదావరి నది మింగేసింది. ఖమ్మం జిల్లా పినపాక మండలం చింతలబయ్యారం వద్ద ఈ సంఘటన చోటు చేసుకుంది.

గోదావరినదిలో మునిగిన ముగ్గురి శవాలను వెలికి తీశారు. మరో మృతదేహం కోసం గాలిస్తున్నారు. మృతులు వెంకట్రావుపేట గ్రామానికి చెందిన కొనగంటి శివకృష్ణ (15), తోట సందీప్ (14), వరస కృష్ణమోహన్ (22), వరస సత్యనారాయణ (20). చివరి ఇద్దరు అన్నదమ్ముళ్లు. సత్యనారాయణ మృతదేహం కోసం ఇంకా గాలిస్తున్నారు.

English summary

Four persons died drowing in Godavari river in Khammam district during Bathukamma festival.