పిచ్చి పట్టిన మాటలు: కెటిఆర్‌పై డిఎల్ ధ్వజం

By Srinivas

Published: Thursday, October 13, 2011, 16:02 [IST]

హైదరాబాద్: ముఖ్యమంత్రి కిరణ్ కుమార్ రెడ్డి శాసనసభ్యులను కొన్నారన్న సిరిసిల్ల తెలంగాణ రాష్ట్ర సమితి శాసనసభ్యుడిపై ఆరోగ్య శాఖ మంత్రి డిఎల్ రవీంద్రా రెడ్డి గురువారం తీవ్రస్థాయిలో విరుచుకు పడ్డారు. కెటిఆర్‌వి పిచ్చి పట్టిన మాటలని విమర్శించారు. తమ పార్టీ శాసనసభ్యులు డబ్బులు తీసుకొని మద్దతు ఇచ్చేంత నీచులు కాదన్నారు. ఆ విషయం కెటిఆర్ గుర్తుంచుకోవాలన్నారు. కెటిఆర్ వ్యాఖ్యలు రాజకీయ ప్రయోజనాల కోసం చేసినవన్నారు. సిఎంకు ఎవరినీ ప్రలోభ పెట్టాల్సిన అవసరం లేద్నారు. కెటిఆర్ ఇలాంటి వ్యాఖ్యలు చేసి ఎమ్మెల్యే స్థాయిని దిగజార్చారన్నారు.

రాష్ట్రంలోని నేతలంతా ప్రత్యేక తెలంగాణ, సమైక్యాంధ్ర అని మాట్లాడుతున్నారు తప్ప ఏ ఒక్కరూ అభివృద్ధి గురించి మాట్లాడటం లేదని మంత్రి టిజి వెంకటేష్ అన్నారు. సమైక్యాంధ్ర అభివృద్ధి కోసం శుక్రవారం కడపలో అన్ని పార్టీలతో సమావేశం ఏర్పాటు చేస్తామని చెప్పారు. నేతలంతా రాజకీయ ప్రయోజనాల దృష్ట్యా వారి వారి పార్టీల బలాలు పెంచుకోవడానికి రాయలసీమ గురించి మాట్లాడుతున్నారన్నారు. ఎవరూ కూడా సీమకు ఏం చేస్తామో చెప్పడం లేదన్నారు. తాము ఎట్టి పరిస్థితుల్లోనూ హైదరాబాదును వదులుకునేది లేదన్నారు.

Published On October 13, 2011