మా ఎంపీలు తప్పు చేసినా చర్యలు కానీ...: సింఘ్వీ

By Srinivas

Published: Sunday, October 16, 2011, 9:11 [IST]

న్యూఢిల్లీ: తెలంగాణ ఉద్యమం పార్టీలకతీతంగా జరుగుతోందని కాబట్టి తమ పార్టీకి చెందిన పార్లమెంటు సభ్యులు, పలువురు శాసనసభ్యుల అరెస్టు చేశారనే అంశం అప్రస్తుతమని ఏఐసిసి అధికార ప్రతినిధి అభిషేక్ సింఘ్వీ శనివారం న్యూఢిల్లీలో మాట్లాడుతూ చెప్పారు. శనివారం మీడియా సమావేశంలో విలేకరులు ఉద్యమంపై ప్రశ్నలు సంధించారు. దానికి ఆయన సమాధానాలు ఇచ్చారు. నిషేధాజ్ఞలు ఎవరు ఉల్లంఘించినా చట్టం తన పని తాను చేసుకు పోతుందని చెప్పారు.

తమ పార్టీకి చెందిన పార్లమెంటు సభ్యులు చేసినది పెద్ద నేరమేమీ కాదన్నారు. ప్రతి ఒక్కరు ప్రస్తుత పరిస్థితులన్ని అర్థం చేసుకోవాలని కోరారు. తెలంగాణ అంశం చాలా సున్నతమైనదని అందరూ గుర్తించాలన్నారు. అగ్నిగి ఆజ్యం పోయకూడదని కోరారు. కాగా శనివారం రైలు రోకోలో పాల్గొన్న పలువురు కాంగ్రెసు ఎంపీలు, ఎమ్మెల్యేలు అరెస్టయిన విషయం తెలిసిందే.

Published On October 16, 2011