టిఆర్ఎస్ ఎమ్మెల్యేలపై కేసు, నివేదిక కోరిన స్పీకర్

హైదరాబాద్: తెలంగాణ రాష్ట్ర సమితి ప్రజా ప్రతినిధులపై కేసుల విషయంలో స్పీకర్ నాదెండ్ల మనోహర్ శనివారం స్పందించారు. రైలు రోకోలో పాల్గొన్న ప్రజాప్రతినిధులపై పెట్టిన కేసులు, అరెస్టులపై పూర్తిస్థాయి నివేదిక పంపాలని నాదెండ్ల ప్రభుత్వ ప్రధాన కార్యదర్శిని ఆదేశించారు. అంతకుముందు తెలంగాణ రాష్ట్ర సమితి శాసనసభ్యులు స్పీకర్‌ను కలిసి ఈ నెల 15, 16, 17 తేదీల్లో జరిగిన రైలు రోకో కార్యక్రమంలో తాము పాల్గొంటే పోలీసులు తమపై అక్రమంగా కేసులు పెట్టారని ఫిర్యాదు చేశారు. పదిహేను రోజుల్లో విచారణ జరిపిస్తానని స్పీకర్ వారికి హామీ ఇచ్చారు.

కాగా మరోవైపు తెలంగాణపై కాంగ్రెసు పార్టీ దాటవేసే ధోరణి అవలంభిస్తే ప్రజలు క్షమించరని టిఆర్ఎస్ మాజీ ఎంపీ వినోద్ కుమార్ మీడియాతో మాట్లాడుతూ అన్నారు. నవంబర్ 1న ప్రజలు నల్లజెండాలు ప్రదర్శిస్తే కేసులు పెట్టవద్దని ప్రభుత్వాన్ని కోరారు. భాగస్వామ్య పక్షాలతో చర్చలని చెప్పడం కాలాయాపన కోసమే అన్నారు. యుపిఏ భాగస్వామ్య పక్షాలు తెలంగాణ వ్యతిరేకించడం లేదని ఒకవేళ అలాంటిదేమైనా ఉంటే కాంగ్రెసు ఒప్పించాలన్నారు. తెలంగాణ బిల్లు ప్రవేశ పెడితే ఎన్డీయే మద్దతివ్వడానికి సిద్ధంగా ఉందన్నారు. తెలంగాణపై మొదట కాంగ్రెసు తన వైఖరి తెలియజేయాలన్నారు.

English summary

Speaker Nadendla Manohar seek CS complete report on TRS MLAs arrest in rail rokho. MLAs complained to speaker today.