డి శ్రీనివాస్ ముఖ్యమంత్రి పీఠంపై కన్నేశారా?

తిరుపతి: పిసిసి అధ్యక్షుడు, ఎమ్మెల్సీ డి. శ్రీనివాస్ ముఖ్యమంత్రి పీఠంపై కన్నేసినట్లు అనిపిస్తోంది. శుక్రవారం తిరుమల సందర్శించిన ఆయన మీడియా ప్రతినిధులతో మాట్లాడిన తీరు అలా అనిపించేలా చేస్తోంది. రాష్ట్రంలో ముఖ్యమంత్రిని మారుస్తారని ఆయన నేరుగా చెప్పకపోయినా ఆయన మాటల్లోని ఆంతర్యం ఏమిటో ఇట్లే అర్థమై పోతోంది. తన రాజకీయ భవిష్యత్తును పార్టీ అధిష్టానమే నిర్ణయిస్తుందని ఆయన చెప్పారు. తనను ముఖ్యమంత్రి పీఠంపై కూర్చోబెట్టడానికే అధిష్టానం ఎమ్మెల్సీగా ఎంపిక చేయించిందనే అభిప్రాయం ఆయనలో బలంగానే ఉన్నట్లు కనిపిస్తోంది.

తనకు ఏ బాధ్యతలు అప్పగించినా తన పూర్తి సామర్థ్యం మేరకు పనిచేస్తానని ఆయన చెప్పారు. తనకు ఏ బాధ్యతలు అప్పగించినా ఫరవా లేదని ఆయన అన్నారు. తెలంగాణ సమస్య పరిష్కారంలో భాగంగా ప్రాంతీయ బోర్డులను ఏర్పాటు చేయాలని కాంగ్రెసు అధిష్టానం భావిస్తున్నట్లు ఇటీవల వార్తలు వచ్చాయి. ప్రాంతీయ బోర్డులను ఏర్పాటు చేస్తే తెలంగాణ ప్రాంతీయ బోర్డుకు డిఎస్‌ను చైర్మన్‌గా నియమించవచ్చవచ్చునని అంటున్నారు. లేదా ముఖ్యమంత్రిని మార్చే అవకాశాలుంటే ఆ పదవి తనకే దక్కుతుందని ఆయన ఆశతో ఉన్నారు.

ఎమ్మెల్సీ పదవిని తాను ఆశించలేదని ఆయన చెప్పారు. తెలంగాణ సమస్యపై కాంగ్రెసు కోర్ కమిటీ సీరియస్‌గా చర్చిస్తోందని, తెలంగాణకు కేంద్రం త్వరలో శాశ్వత పరిష్కారం చూపిస్తుందని ఆయన అన్నారు.

English summary

Though he didn't directly hint at change of guard in the state, senior Congress leader D Srinivas made known his ambitions clear, when he said his political future is being decided by the Congress high command.