కేంద్ర మంత్రిపై, కుమారుడిపై హత్యాయత్నం కేసు

బారాబంకి: కేంద్ర ఉక్కు శాఖ మంత్రి బేనీ ప్రసాద్ వర్మ, ఆయన కుమారుడు రాకేష్ వర్మలపై హత్యాయత్నం కింద కేసు నమోదైనట్లు తెలుస్తోంది. ఉత్తరప్రదేశ్‌లోని బారాబంకిజిల్లా సర్దార్ పోలీసు స్టేషనులో వారిపై శంకర్ శుక్లా అనే వ్యక్తి ఫిర్యాదు చేశాడు. బేనీ ప్రసాద్ వర్మ, రాకేష్ వర్మ నిర్వహించిన మీడియా సమావేశానికి ఇటీవల శుక్లా హాజరయ్యాడు.

శుక్లాను మీడియా ప్రతినిధుల సమావేశం నుంచి తోసేశారు. తనపై బేనీ ప్రసాద్ వర్మ అనుచరులు దాడి చేశారని, చంపుతామని బెదిరించారని శుక్లా పోలీసులకు ఫిర్యాదు చేశాడు. బేనీ ప్రసాద్ వర్మ, ఆయన కుమారుడు రాకేష్ వర్మలపై దాడి, హత్యా యత్నం కింద పోలీసులు కేసు నమోదు చేశారు.

English summary

Union Minister for steel Beni Prasad Verma and his son Rakesh Verma were booked for attempt to murder.