టిఆర్ఎస్‌లోకి వెళ్లిన పార్టీ ఎమ్మెల్యేలకు టిడిపి విప్

హైదరాబాద్: తెలంగాణ రాష్ట్ర సమితి పార్టీలో చేరిన తమ పార్టీ ఎమ్మెల్యేలకు తెలుగుదేశం పార్టీ శుక్రవారం విప్ జారీ చేసింది. టిఆర్ఎస్‌లో చేరిన ఎమ్మెల్యేలతో పాటు పార్టీ కార్యక్రమాలకు దూరంగా ఉంటున్న ఎమ్మెల్యేలకూ రిజిస్టర్ పోస్టు ద్వారా పార్టీ విప్ జారీ చేసింది. ఈ నెల 30వ తారీఖున జరిగే పార్టీ సమావేశానికి హాజరు కావాలని అందులో సూచించింది. ఒకటి రెండు రోజుల్లో వీరితో పాటు పార్టీ ఎమ్మెల్యేలకు కూడా వ్యక్తిగతంగా విప్ జారీ చేయనున్నారని సమాచారం.

ఇప్పటికే నాగం జనార్ధన్ రెడ్డి, పోచారం శ్రీనివాస్ రెడ్డిల రాజీనామాలు ఆమోదం పొందినందున వారికి విప్ జారీ చేయలేదు. పార్టీ కార్యక్రమాలకు దూరంగా ఉంటున్న మిగిలిన ఎమ్మెల్యేలకు విప్ జారీ చేశారు. ఇటీవలె గంపా గోవర్ధన్ టిఆర్ఎస్‌లో చేరారు. వేణుగోపాల చారి, హరీశ్వర్ రెడ్డి, జోగు రామన్న పార్టీ కార్యక్రమాలకు దూరంగా ఉంటున్నారు.

English summary

TDP issued party whip to all the party mlas by register post today.