బాబు, జగన్‌లకు ప్రభుత్వాన్ని కూల్చే శక్తి లేదు: బొత్స

హైదరాబాద్: తెలుగుదేశం పార్టీ అధినేత నారా చంద్రబాబు నాయుడుకు గానీ, వైయస్సార్ కాంగ్రెసు పార్టీ అధినేత వైయస్ జగన్మోహన్ రెడ్డికి గానీ కిరణ్ కుమార్ రెడ్డి ప్రభుత్వాన్ని కూల్చే శక్తి లేదని పిసిసి చీఫ్ బొత్స సత్యనారాయణ బుధవారం అన్నారు. సిబిఐపై చంద్రబాబువి ఊసరవెల్లి మాటలు అని విమర్శించారు. తనపై సిబిఐ విచారణ పూర్తయ్యే వరకు చంద్రబాబు నీతిపై మాట్లాడవద్దని సూచించారు. తనపై ఎలాంటి విచారణకు ఆదేశించినా సిద్ధంగా ఉన్నానని విచారణ ఆపాలని ఏ కోర్టుకూ తాను వెళ్లనని చెప్పారు.

టిడిపి రైతు సమస్యలపై అవిశ్వాసం పెడితే స్వాగతిస్తామని చెప్పారు. తప్పు చేసిన వారిని ప్రజలే శిక్షిస్తారన్నారు. రైతులకు టిడిపి ఏం చేసిందో వివరిస్తామన్నారు. బాబు విచారణకు సహకరించి తన నిజాయితీ నిరూపించుకోవాలన్నారు. అప్పీలుకు వెళ్లనని చెప్పిన ఆయన తన మాట తప్పారన్నారు. జగన్ వర్గం ఎమ్మెల్యేలు పార్టీ కార్యాలయాలకు రావాల్సిందేనని హుకూం జారీ చేశారు.

English summary

PCC chief Botsa Satyanarayana said that TDP and YSR Congress party have no strength to deconstruct Kiran's government.