గుంటురు జిల్లాలో వైయస్ రాజశేఖర రెడ్డికి గుడి

గుంటూరు: జిల్లాలోని కాకుమాను మండలం లింగంగుట్లపాలెం గ్రామంలో అక్కడి ప్రజలు అభిమానంతో దివంగత ముఖ్యమంత్రి వైయస్ రాజశేఖర రెడ్డి ఆలయాన్ని నిర్మించారు. దీనిని జగన్ బుధవారం ప్రారంభించారు. ఈ సందర్భంగా గ్రామస్తులు మాట్లాడుతూ మహానేత వైయస్ రాజశేఖర రెడ్డి ప్రవేశ పెట్టిన సంక్షేమ పథకాల వల్ల గ్రామంలోని ప్రతి ఒక్కరం లబ్ధి పొందామని అందుకే అభిమానంతో ఆయన ఆలయాన్ని నిర్మించామని చెప్పారు.

గ్రామంలో ప్రసిద్ధ రామాలయం పక్కనే వైయస్సార్ ఆలయాన్ని గ్రామస్తులు నిర్మించారు. కాగా బుధవారం వైయస్ జగన్మోహన్ రెడ్డి ఓదార్పు యాత్ర పెదనందిపాడు మండలం నాగులపాడు నుండి ప్రారంభమైంది. జగన్ పలుచోట్ల వైయస్ విగ్రహాలు ఆవిష్కరించారు. కాని ఈ గ్రామంలో మాత్రం వైయస్ దేవాలయాన్ని ప్రారంభించారు.

English summary

Lingamguntlapalem villagers built a temple to late YS Rajasekhar Reddy. YS Jagan inaugurated this temple today.