కిషన్‌జీ సోదరుడే లక్ష్యంగా జంగల్‌మహల్‌లో కూంబింగ్

By Srinivas

Published: Thursday, December 8, 2011, 11:02 [IST]

కోల్‌కత్తా/విజయనగరం: ఇటీవలె మృత్యువాత పడ్డ మావోయిస్టు అగ్రనేత కిషన్‌జీ సోదరుడు మల్లోజుల వేణుగోపాల్ లక్ష్యంగా పశ్చిమ బెంగాల్‌లోని జంగల్ మహల్‌లో బుధవారం రాత్రి నుండి కూంబింగ్ ఉధృతంగా కొనసాగుతోంది. కేంద్ర కమిటీ సభ్యుడు కిషన్‌జీ ఎన్‌కౌంటర్‌కు నిరసనగా మావోయిస్టులు దాడులు చేస్తామని హెచ్చరించిన విషయం తెలిసిందే. మావోలు రైల్వే స్టేషన్ పేల్చి వేయడానికి వ్యూహం పన్నినట్లుగా నిఘావర్గాలు హెచ్చరికలు జారీ చేయడంతో పోలీసులు వెంటనే రంగంలోకి దిగి కూంబింగ్ ప్రారంభించారు. ఇప్పటికే పోలీసుల అదుపులో ముగ్గురు మావోయిస్టులు ఉన్నట్లుగా సమాచారం.

మరోవైపు ఆంధ్రా ఒరిస్సా బార్డర్(ఏవోబి)లోనూ పోలీసులు జోరుగా కూంబింగ్ జరుపుతున్నారు. ఏఓబిలో మావోయిస్టు అగ్రనేతలు ఉన్నరన్న నిఘావర్గాల సమాచారంతో పోలీసులు కూంబింగ్ చేపట్టారు. కాగా ఇప్పటికే మల్లోజుల వేణుగోపాల్ పోలీసులు అదుపులో ఉన్నట్లుగా కరీంనగర్ జిల్లా పెద్దపల్లిలో జోరుగా చర్చ జరుగుతున్నట్టు ఓ ఛానల్‌లో వస్తోంది.

Published On December 8, 2011