• search
  • Live TV
చిత్తూరు వార్తల కోసం
నోటిఫికేషన్స్ పై క్లిక్ చేయండి  

సందడే సందడి: సంక్రాంతి కోసం స్వగ్రామానికి బాబు

By Srinivas
|

Chandrababu Naidu
చిత్తూరు: సంక్రాంతి పండుగను సొంత కుటుంబ సభ్యుల మధ్య సొంత వూళ్లో జరుపుకునేందుకు తెలుగుదేశం పార్టీ అధినేత నారా చంద్రబాబు నాయుడు శుక్రవారం తన స్వగ్రామం నారావారిపల్లె వెళుతున్నారు. ఈ నేపథ్యంలో గ్రామం మొత్తం పసుపుమయం అయింది. బాబుతో పాటు నందమూరి కుటుంబీకులు కూడా పాల్గొననున్నారు. ఈ నేపథ్యంలో నారావారిపల్లెకు గురువారం నుండే సంక్రాంతి కళ వచ్చింది. గ్రామమంతా కోలాహలంగా మారింది. ఊరినిండా పసుపు జెండాలు, బ్యానర్లు ఏర్పాటు చేశారు. చంద్రబాబుకు రేణిగుంట విమానాశ్రయం వద్ద ఘనంగా స్వాగతం పలికి స్కూటర్లతో ర్యాలీగా గ్రామానికి తీసుకు వెళ్లేందుకు గ్రామస్తులు, కార్యకర్తలు ఏర్పాట్లు చేశారు. విమానాశ్రయం నుంచి నారావారిపల్లె వరకు పెద్ద పెద్ద హోర్డింగులు, ఫ్లెక్సీలు ఏర్పాటు చేశారు. పసుపు జెండాలు, తోరణాలతో దారులన్నీ పసుపు రంగును అలుముకున్నాయి. వాహనాల కోసం ప్రత్యేకంగా స్థలం కేటాయించారు.

ఈ సందర్భంగా బాబు నారావారిపల్లెలో ఎన్టీఆర్ ట్రస్టు నిధులతో ఏర్పాటు చేసిన మినరల్ వాటర్ ప్లాంట్ ప్రారంభిస్తారు. సోదరుడు రామ్మూర్తినాయుడు ప్రతిష్టించిన ఎన్టీ రామారావు కాంస్య విగ్రహాన్ని ఆవిష్కరిస్తారు. తల్లిదండ్రులు ఖర్జూర నాయుడు, అమ్మణ్ణమ్మ సమాధుల వద్ద కుటుంబ సభ్యులతో కలిసి పూజలు చేస్తారు. చంద్రబాబు దాదాపు మూడేళ్ల తర్వాత మళ్లీ స్వగ్రామం వెళుతున్నారు. నారా వారే కాకుండా నందమూరి కుటుంబ సభ్యులు కూడా వస్తున్నారు. ఇప్పటికే వచ్చిన వారికి గ్రామ ఆడపడుచులు స్వాగతం పలికారు. బంధువుల రాకతో అక్కడ సందడి మొదలైంది. కాగా చాలాకాలం తర్వాత స్వగ్రామానికి వస్తున్న బాబుతో కలిసి మాట్లాడాలని ఆయన పాత స్నేహితులు ఎదురు చూస్తున్నారు. కాగా రాత్రి తిరుమలకు చేరుకొని అక్కడే బస చేసి ఉదయం శ్రీవారిని దర్శనం చేసుకొని ఆ తర్వాత హైదరాబాద్ బయలుదేరతారు. కాగా చంద్రాబాబు తిరుపతి చేరుకున్నారు.

English summary
TDP chief Nara Chandrababu Naidu went to his own village after three years for Sankranti festival.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X