వైవాహికేతర సంబంధం: దాడిలో ప్రియురాలి మృతి

కడప: ఇరువురు స్త్రీపురుషు మధ్య వైవాహకేతర సంబంధంతో అగ్రహించిన మహిళ బంధువులు వారిద్దరిపై దాడి చేశారు. కడప జిల్లా రైల్వే కోడూరు మండలం రెడ్డివారిపల్లె అటవీ ప్రాంతంలో ప్రియురాలి బంధువులు వారిద్దరిపై కత్తులతో దాడి చేశారు. ఈ దాడిలో కళావతి అనే మహిళ మరణించగా, ప్రేమికుడు వెంకటేశ్వర్లు తీవ్రంగా గాయపడ్డాడు. వెంకటేశ్వర్లు తిరుపతిలోని రుయా ఆస్పత్రిలో చికిత్స పొందుతున్నాడు.

ముతరాసిపల్లెకు చెందిన వెంకటేశ్వర్లుకు అప్పటికే వివాహమైంది. అతను ఆటో నడుపుతుంటాడు. కళావతి భర్త ఉపాధి కోసం గల్ఫ్ దేశాలకు వెళ్లాడు. వారిద్దరి మధ్య సంబంధం నెలకొంది. ఆదివారం ఉదయం ఆటోను తీసుకుని వెంకటేశ్వర్లు బయటకు రైల్వే కోడూరుకు వచ్చాడు. ఈ సమయంలో కళావతిని, వెంకటేశ్వర్లును కళావతి బంధువులు పట్టుకుని దాడి చేశారు.

English summary

Lovers were attacked by woman's relatives in Kadapa district. woman has died.