• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

ఏలూరులో 12, 13 తేదీల్లో వైయస్ విజయమ్మ ధర్నా

By Pratap
|

YS Vijayamma
హైదరాబాద్: ఫీజు రీయంబర్స్‌మెంట్ పథకాన్ని ప్రభుత్వం నీరు గారుస్తోందని ఆరోపిస్తూ వైయస్సార్ కాంగ్రెసు పార్టీ గౌరవాధ్యక్షురాలు వైయస్ విజయమ్మ దీక్ష చేయనున్నారు. ఈ నెల 12, 13 తేదీల్లో ఏలూరు వేదికగా ఆమె నిరాహార దీక్ష చేస్తారు. సంతృప్తికరమైన స్థాయిలో ఫీజు రీయంబర్స్‌మెంట్ పథకాన్ని అమలు చేయాలని ఆమె డిమాండ్ చేశారు. వైయస్ రాజశేఖర రెడ్డి ప్రవేశపెట్టిన ఫీజు రీయంబర్స్‌మెంట్ పథకానికి ప్రభుత్వం తూట్లు పొడుస్తోందని ఆమె శనివారం విమర్శించారు.

ఫీజు రీయంబర్స్‌మెంట్ పథకాన్ని ఆపే ఆలోచన రాష్ట్రప్రభుత్వానికి ఉంటే తక్షణం పునరాలోచన చేయాలని వైయస్సార్ కాంగ్రెసు పార్టీ నెల్లూరు పార్లమెంటు సభ్యుడు మేకపాటి రాజమోహన్ రెడ్డి విజ్ఞప్తి చేశారు ప్రతిభకు పేదరికం ఆడ్డు కాకూడదనే ఆశయంతో వైయస్ రాజశేఖర రెడ్డి ఈ పథకాన్ని ప్రవేశపెట్టారని, ఈ పథకాన్ని ఆపేస్తే రాష్ట్రవ్యాప్తంగా ఆందోళనలు తప్పవని ఆయన అన్నారు.

సుప్రీంకోర్టు తీర్పును కుంటిసాకుగా చూపి ప్రభుత్వం ఫీజు రీయంబర్స్‌మెంట్ విషయంలో అసాధారణ నిర్ణయాలు తీసుకుంటే ప్రజలు తిరగబడాలని వైయస్సార్ కాంగ్రెసు పార్టీ అధికార ప్రతినిధి రోజా పిలుపునిచ్చారు. ప్రజల తిరుగుబాటుకు విద్యార్థుల తరఫున తమ పార్టీ అండగా నిలుస్తుందని ఆమె చెప్పారు.

హైదరాబాద్ జూబ్లీహిల్స్ నియోజకవర్గం వైయస్సార్ కాంగ్రెసు పార్టీ కార్యాలయాన్ని ఆ పార్టీ కేంద్ర మండలి సభ్యుడు వైవి సుబ్బారెడ్డి, నెల్లూరు పార్లమెంటు సభ్యుడు మేకపాటి రాజమోహన్ రెడ్డి శనివారం ప్రారంభించారు. పార్టీ కార్యాలయంలో ఏర్పాటు చేసిన దివంగత నేత వైయస్ విగ్రహానికి వారు నివాళులు అర్పించారు. కమలాపురి కాలనీలో పార్టీ సేవాదళం రాష్ట్ర కన్వీనర్ కోటంరెడ్డి వినయ్ రెడ్డి ఈ కార్యాలయాన్ని ఏర్పాటు చేశారు.

English summary
YSR Congress party president YS Vijayamma has decided to stage dharna on July 12 and 13 at Eluru of West Godavari district on Fee reimbursement issue.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X