రాజ్యసభకు గ్లామర్: సచిన్, రేఖలకు ప్రణబ్ పాఠాలు

న్యూఢిల్లీ: మాస్టర్ బ్లాస్టర్ సచిన్ టెండుల్కర్, నటి రేఖలు రాష్ట్రపతి ప్రణబ్ ముఖర్జీ ఎదుట కాసేపు విద్యార్థులుగా మారిపోయారు. బుధవారం పార్లమెంటు సమావేశాలు ప్రారంభమయ్యాయి. రేఖ, సచిన్‌లు ప్రమాణ స్వీకారం చేశారు. ఈ సందర్భంగా రేఖ, సచిన్‌లను ప్రణబ్ ముఖర్జీ పిలుపించుకొని వారిద్దరికి కాసేపు పార్లమెంటు వ్యవహారాల పైనా, రాజ్యాంగంలోని అంశాల పైనా, భారత స్వతంత్ర చరిత్ర పైనా అవహాగన కల్పించారు.

రాజ్యసభలో బుధవారం రేఖ, సచిన్ టెండుల్కర్‌లే ప్రధాన ఆకర్షణగా నిలిచారు. చెక్ షర్ట్ ధరించిన సచిన్ సతీమణి అంజలితో కలిసి పార్లమెంటుకు వచ్చారు. ఆయన సభలోకి అడుగు పెట్టగానే మిగతా ఎంపీలంతా ఆయన వైపు ఆసక్తిగా తిరిగి చూశారు. బంగారు రంగు జరీ, గులాబి రంగు అంచుల క్రీమ్ కలర్ చీరలో రేఖ మెరిసి అందరినీ ఆకట్టుకుంది. వీరిద్దరికీ మిగతా సభ్యులు శుభాకాంక్షలు తెలిపారు.

అను ఆగా, జావెద్ అక్తర్‌ల మధ్యనున్న 99వ నెంబరు సీటులో రేఖ, టికె రంగరాజన్ పక్కన ఉన్న 103వ నెంబరు సీటులో సచిన్ కూర్చున్నారు. సభ ముగిశాక వారిద్దరి ఫోటోలు తీసేందుక మీడియా ఎగబడింది. దీంతో అక్కడ కాసేపు గందరగోళం ఏర్పడింది. ఇది తనకు ఓ కొత్త అనుభవమని ఈ సందర్భంగా సచిన్ అన్నారు.

English summary

For a change, the master became a pupil. Sachin Tendulkar, who attended the Rajya Sabha for the first time on the opening day of the Monsoon Session on Wednesday, got some lessons from President Pranab Mukherjee on the functioning of Parliament.