• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

తెలంగాణ: సోనియాకు ఎమ్మెల్యేల లేఖ, సభ వాయిదా

By Srinivas
|

Telangana Map
హైదరాబాద్: తెలంగాణ రాష్ట్ర ప్రకటనను వెంటనే చేయాలని ఆ ప్రాంత కాంగ్రెసు శాసనసభ్యులు, శాసనమండలి సభ్యులు గురువారం ఏఐసిసి అధ్యక్షురాలు సోనియా గాంధీకి లేఖ రాశారు. తెలంగాణపై కేంద్రంలో కదలిక రావడం తమకు సంతోషాన్ని కలిగిస్తోందని వారు సోనియాకు రాసిన లేఖలో పేర్కొన్నారు. 30వ తేదిలోపు రాష్ట్ర ఏర్పాటుపై స్పష్టమైన ప్రకటన చేయాలని వారు ఈ సందర్భంగా ఆమెను కోరారు.

తెలంగాణ మార్చ్ లోపు ప్రకటన రాకుంటే పార్టీ నష్ట పోవాల్సి వస్తుందన్నారు. మార్చ్ తర్వాత ఉద్యమం మరింత ఉధృతమవుతుందని అప్పుడు కాంగ్రెసుకు కష్టాలు తప్పవని వారు పేర్కొన్నారు. కాగా సంగారెడ్డి ఎమ్మెల్యే తూర్పు జయప్రకాశ్ రెడ్డి(జగ్గారెడ్డి) సభ వాయిదా పడిన అనంతరం మీడియా పాయింట్ వద్ద మాట్లాడారు. తెలంగాణ ప్రాంతంపై తెలంగాణ రాష్ట్ర సమితికి ప్రేమ లేదని ఆరోపించారు. తీర్మానం కోసం ఆ పార్టీ ఎమ్మెల్యేలు పట్టుబట్టడం సరికాదన్నారు.

తీర్మానం పెడితే వీగిపోతుందని ముఖ్యమంత్రి కిరణ్ కుమార్ రెడ్డి స్పష్టంగా చెప్పినప్పటికీ వారు రాద్దాంతం చేస్తున్నారన్నారు. అసెంబ్లీలో తీర్మానం వీగిపోతేనే రాజకీయంగా తమకు మనుగడ ఉంటుందని తెరాస భావిస్తోందని ఆరోపించారు. కాగా సోమవారం, మంగళవారం తెలంగాణపై తీర్మానం పెట్టాలని టిఆర్ఎస్ డిమాండ్ చేయడంతో సభ వాయిదా పడిన విషయం తెలిసిందే.

ఈరోజు కూడా తెలంగాణపై తీర్మానం పెట్టాలని తెరాస, ఎఫ్‌డిఐలను, పెట్రో ధరలను నిరసిస్తూ టిడిపి, వామపక్షాలు సభను అడ్డుకున్నాయి. సభ సజావుగా సాగేందుకు అందరూ సహకరించాలని స్పీకర్ నాదెండ్ల మనోహర్, ఉప సభాపతి మల్లు భట్టి విక్రమార్క, శాసనసభ వ్యవహారాల మంత్రి శ్రీధర్ బాబు విజ్ఞప్తి చేసినా ఫలితం లేక పోయింది.

స్పీకర్ పోడియాన్ని విపక్షాలు చుట్టుముట్టాయి. ఆందోళనను కొనసాగించాయి. నినాదాలు చేస్తూ సభను అడ్డుకోవడంతో స్పీకర్ సభను శుక్రవారానికి వాయిదా వేశారు. సభ వాయిదా పడిన అనంతరం కాంగ్రెసు నేతలు మీడియా పాయింట్ వద్ద మాట్లాడుతూండగా టిఆర్ఎస్ ఎమ్మెల్యేలు గట్టిగా కాంగ్రెసుకు వ్యతిరేకంగా నినాదాలు చేశారు.

English summary

 Telangana region MLAs and MLCs wrote a letter to AICC president Sonia Gandhi on Thursday for Telangana statehood.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X