• search
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

కిరణే ఉండాలని టి-ఎమ్మెల్యేలు: తెలంగాణ కోసమే.. కెకె

By Srinivas
|
K Keshav Rao-Kiran Kumar Reddy
న్యూఢిల్లీ: ముఖ్యమంత్రిగా కిరణ్ కుమార్ రెడ్డిని మార్చవద్దని తెలంగాణ ప్రాంత కాంగ్రెసు పార్టీ ఎమ్మెల్యేలు కేంద్రమంత్రి, రాష్ట్ర పార్టీ వ్యవహారాల ఇంచార్జ్ గులాం నబీ ఆజాద్‌ను కలిసి విజ్ఞప్తి చేసినట్లుగా తెలుస్తోంది. పలువురు తెలంగాణ ఎమ్మెల్యేలు ఆజాద్‌తో భేటీ అయ్యారు. కిరణ్ సమర్థుడైన ముఖ్యమంత్రి అని, ఆయనను మార్చుతారంటూ ఊహాగానాలు వస్తున్నాయని, మార్చవద్దని ఈ సందర్భంగా వారు విజ్ఞప్తి చేశారని తెలుస్తోంది.

ముఖ్యమంత్రి చేపడుతున్న ఇందిర బాట కార్యక్రమం కాంగ్రెసు పార్టీకి దోహదపడుతోందని, అభివృద్ధి చేయడంతో పాటు, కాంగ్రెసు పథకాలను ప్రజల్లోకి తీసుకు వెళ్లేందుకు ఉపయోగపడుతోందని చెప్పారట. ఇలాంటి సమయంలో కిరణ్‌ను మార్చవద్దని విజ్ఞప్తి చేశారట. అయితే తాము తెలంగాణ తప్ప అధిష్టానం వద్ద మరో మాట మాట్లాడలేదని ఎమ్మెల్యేలు మీడియాతో మాట్లాడుతూ చెప్పారు. ఎమ్మెల్యే ప్రతాప్ మాట్లాడుతూ... కిరణ పాలన హర్షణీయమని, ఇందిర బాటతో అభివృద్ధి చేస్తూ, సంక్షేమ పథకాలను ప్రజల్లోకి తీసుకు వెళ్తున్నారన్నారు.

తెలంగాణ కోసమే కెసిఆర్‌తో చర్చలు

తెలంగాణ రాష్ట్రం కోసమే తమ పార్టీ ఢిల్లీ పెద్దలు తెలంగాణ రాష్ట్ర సమితి అధ్యక్షుడు కల్వకుంట్ల చంద్రశేఖర రావుతో భేటీ అయ్యారని కాంగ్రెసు పార్టీ సీనియర్ నేత కె కేశవరావు వేరుగా అన్నారు. తెలంగాణ ప్రజలు ప్రత్యేక రాష్ట్రాన్ని కోరుకుంటున్నారని, మేం అందుకోసమే కృషి చేస్తున్నామని చెప్పారు.

తనకు ఏ పదవి పైనా ఆశ లేదన్నారు. తాము కోరుకునేది, తెచ్చుకునేది, సాధించుకునేది తెలంగాణ మాత్రమే అన్నారు. తెలంగాణ తెచ్చేందుకు తాము తీవ్రంగా కృషి చేస్తున్నామని చెప్పారు. తన జీవితం ప్రజల కోసం, తెలంగాణ కోసమే అంకితమన్నారు. తమకు తెలంగాణ తప్ప మరో ప్రత్యామ్నాయం అవసరం లేదన్నారు. ప్యాకేజీలు ఇలాంటివి తమకు అవసరం లేదన్నారు.

ఎవరి దారి వారిదే.. గుత్తా

కేంద్రం తెలంగాణ ఇవ్వకపోతే ఎవరిదారి వారిదే అని ఎంపి గుత్తా సుఖేందర్ రెడ్డి సోమవారం నల్గొండలో తేల్చిచెప్పారు. తెలంగాణ రాష్ట్రం ఇవ్వకుండా ఆ ప్రాంత వ్యక్తికి ముఖ్యమంత్రి పదవి ఇస్తే ప్రభుత్వం పడిపోయం ఖాయమన్నారు. తెలంగాణ ఇస్తే పదవులు అవసరం లేదని గుత్తా సుఖేందర్ పేర్కొన్నారు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

మరిన్ని kiran kumar reddy వార్తలుView All

English summary
Congress party senior leader K Keshav Rao said that they appealing High Command for Telangana.

Oneindia బ్రేకింగ్ న్యూస్
రోజంతా తాజా వార్తలను పొందండి

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more