• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

బాధ్యత నాదే: ఒప్పుకున్న చిరు, మజ్లిస్‌పై బొత్స ఫైర్

By Srinivas
|
Chiranjeevi - Botsa Satyanarayana
హైదరాబాద్: ఎస్సీ, ఎస్టీ ఉప ప్రణాళికా బిల్లు క్రెడిట్ ఎవరికి వారు దక్కించుకోవాలని చూస్తున్నారనే వార్తలపై కేంద్ర పర్యాటక శాఖ మంత్రి చిరంజీవి ఆదివారం స్పందించారు. ఎస్సీ, ఎస్టీ ఉప ప్రణాళిక బిల్లు ద్వారా తాము ఛాంపియన్‌లం కావాలని అనుకోవడం లేదని, ఆ వర్గాల వారు ఛాంపియన్‌లు అయితే చాలన్నారు. తాను చెప్పినందు వల్లే ఈ బిల్లు వచ్చిందని చెప్పలేదన్నారు. తన సూచనలతో తమ పార్టీ అధ్యక్షురాలు సోనియా గాంధీ ఈ దిశగా ఆలోచనలు చేశారని మాత్రమే చెప్పానన్నారు.

అసెంబ్లీ సమావేశాలు జరుగుతున్న సమయంలో కాంగ్రెసు పార్టీ శాసనసభా పక్ష కార్యాలయంలో మీడియా సమావేశం నిర్వహించడంపై బాధ్యత తనదే అన్నారు. సభ విరామం సమయంలో విలేకరులు అడగటం వల్లనే తాను కాసేపు మాట్లాడానని చిరంజీవి వివరణ ఇచ్చుకున్నారు. కాగా ఎస్సీ, ఎస్టీ ఉప ప్రణాళికా బిల్లు క్రెడిట్ దక్కించుకోవాలని చిరు, మంత్రి డిఎల్ రవీంద్రా రెడ్డి, ముఖ్యమంత్రి కిరణ్ కుమార్ రెడ్డి పోటీ పడ్డారనే వార్తలు వచ్చిన విషయం తెలిసిందే.

అదేవిధంగా సిఎల్పీలో సమావేశాలు జరుగుతున్న సమయంలో మీడియా సమావేశం ఏర్పాటు చేయడాన్ని వైయస్సార్ కాంగ్రెసు, తెలుగుదేశం పార్టీ తప్పు పట్టింది. సమావేశాలు జరుగుతున్న సమయంలో అసెంబ్లీ ఆవరణలో మీడియాను అనుమతించకుండా స్పీకర్ ఆదేశాలు జారీ చేశారు. చిరంజీవి కోసం ఆంక్షలు ఉల్లంఘించాలనే వార్తలు వచ్చాయి. దీంతో ఆ ఉల్లంఘన బాధ్యత తనదే అని చిరంజీవి ఈ రోజు చెప్పారు. కాగా దీనిపై వైయస్సార్ కాంగ్రెసు స్పీకర్‌కు ఫిర్యాదు చేసింది.

అక్బరుద్దీన్ పైన బొత్స మండిపాటు

కాంగ్రెసును తెగనాడుతూ.. దివంగత ముఖ్యమంత్రి వైయస్ రాజశేఖర రెడ్డిని అసెంబ్లీలో కీర్తించిన మజ్లిస్ నేత అక్బరుద్దీన్ ఓవైసీ పైన ప్రదేశ్ కాంగ్రెసు కమిటీ అధ్యక్షుడు, రవాణా శాఖ మంత్రి బొత్స సత్యనారాయణ తీవ్రంగా మండిపడ్డారు. ముస్లింలకు నాలుగు శాతం రిజర్వేషన్‌లు ఇచ్చారని వైయస్‌ను పొగుడుతూ... బయ్యారం, బాక్సైట్ గనులు కాంగ్రెసు కేటాయించిందని అక్బరుద్దీన్ విమర్శించడమేమిటని బొత్స ప్రశ్నించారు.

మంచి అయితే వైయస్‌కు, చెడు అయితే కాంగ్రెసుకు అంటగడతారా అని ప్రశ్నించారు. మంచైనా చెడైనా రెండింటికి తామే బాధ్యత వహించేందుకు సిద్ధంగా ఉన్నామన్నారు. ముస్లింలకు నాలుగు శాతం రిజర్వేషన్లు అయినా బయ్యారం గనుల కేటాయింపు అయినా తమ ప్రభుత్వానిదే పూర్తి బాధ్యత అన్నారు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

lok-sabha-home

English summary
Central Minister Chiranjeevi has clarified on his comments on SC, ST sub plan bill on Sunday. He said he is the responsible for pressmeet in CLP.

Oneindia బ్రేకింగ్ న్యూస్
రోజంతా తాజా వార్తలను పొందండి

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more