• search

ఫాంహౌస్‌లో తెలం'గానం': కెసిఆర్ పైనే అందరి దృష్టి

By Srinivas
Subscribe to Oneindia Telugu
For Quick Alerts
ALLOW NOTIFICATIONS
For Daily Alerts
    K Chandrasekhar Rao
    హైదరాబాద్: తెలంగాణపై కేంద్రం తనకు తానుగా విధించుకున్న 28వ తేది దగ్గరపడుతున్న కొద్ది అందరి దృష్టి ఇప్పుడు తెలంగాణ రాష్ట్ర సమితి అధ్యక్షుడు కల్వకుంట్ల చంద్రశేఖర రావు వైపు వెళుతోంది. 2002లో తెరాసను స్థాపించిన ఆయన 2009లో దీక్షతో కేంద్రాన్ని కదిలించారు. కేంద్రం ప్రకటన కారణంగా తెలంగాణ సెంటిమెంట్ మరింత బలంగా తయారయింది. తెలంగాణకు అనుకూలంగా ప్రకటన వస్తుందనే ప్రచారం జోరుగా సాగుతోంది. సీమాంధ్ర ప్రజాప్రతినిధులు కూడా ఆ భయంతోనే ఢిల్లీ యాత్ర చేపట్టారు.

    అయితే ఎప్పుడూ బయట ఉండి సమైక్యవాదుల పైన నిప్పులు చెరిగే కెసిఆర్ అప్పుడప్పుడు కొద్ది రోజులు మెదక్ జిల్లాలోని తన ఫాం హౌస్‌కు పరిమితం అవుతారు. ఆయన సైలెంటుగా ఉన్నా మాట్లాడినా ఏం చేసినా అది వార్తే అవుతుంది. ఆయన ఫాం హౌస్‌లో ఉన్నప్పుడు అక్కడ వ్యూహాలు రచిస్తున్నారనే వార్తలు వచ్చేవి. అయితే ఇప్పుడు తెలంగాణకు అనుకూల ప్రకటన వస్తుందన్న ఇలాంటి పరిస్థితుల్లో కూడా కెసిఆర్ ఫాంహౌస్‌కు పరిమితం కావడం రాజకీయవర్గాలతో పాటు బయటా చర్చనీయాంశమైంది.

    ఆయన గత కొద్ది రోజులుగా ఫాంహౌస్‌కే పరిమితమయ్యారు. తెలంగాణపై కేంద్రం నుండి ప్రకటన రావడానికి వారం రోజులు మాత్రమే ఉంది. ఇలాంటి సమయంలో కెసిఆర్ బయటకు రావడం లేదు. అఖిల పక్ష సమావేశానికి కెసిఆర్ వెళ్లే ముందు, హాజరైన తర్వాత మాట్లాడుతూ.. తెలంగాణపై కేంద్రం నిర్ణయం తీసుకుంటుందన్న అభిప్రాయాన్ని ఆయన వ్యక్తం చేయలేదు. అఖిల పక్షాన్ని జోక్‌గా కొట్టిపారేశారు.

    తెలంగాణ వస్తుందనే ప్రచారం జరుగుతున్నప్పటికీ ఒకవేళ కేంద్రం ప్రకటన వ్యతిరేకంగా ఉంటే ఏం చేయాలనే దానిపై కెసిఆర్ పక్కా వ్యూహాలు సిద్ధం చేసుకుంటున్నారట. ఈసారి పకడ్బందీగా ఆయన వ్యూహరచన చేస్తున్నారని అంటున్నారు. తెలంగాణ రాజకీయ ఐక్యకార్యాచరణ సమితి చైర్మన్ ఆచార్య కోదండరామ్ కూడా నిన్న మాట్లాడుతూ.. తెలంగాణకు అనుకూలంగా ప్రకటన రాకుంటే మిలిటెంట్ తరహా ఉద్యమానికి సిద్ధమన్నారు.

    తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

    English summary
    
 Telangana Rastra Samithi chief K Chandrasekhar Rao is in farm house now. It is said that he is planning to attack Congress if Telangana announce will not come.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more