• search

ఆరు నెలల తర్వాత అధికారిక సమావేశానికి ధర్మాన

By Pratap
Subscribe to Oneindia Telugu
For Quick Alerts
ALLOW NOTIFICATIONS
For Daily Alerts
    Dharmana Prasad Rao
    హైదరాబాద్: రోడ్లు భవనాల శాఖ మంత్రి ధర్మాన ప్రసాద రావు గురువారం అధికారిక సమావేశానికి హాజరయ్యారు. ముఖ్యమంత్రి కిరణ్ కుమార్ రెడ్డి అధ్యక్షతన జరిగిన నేషనల్ అకాడమీ ఆఫ్ కన్‌స్ట్రక్షన్ (ఎన్ఎసి) బోర్డు సమావేశానికి ఆయన హాజరయ్యారు. సమావేశం తర్వాత ఆయన మీడియాతో మాట్లాడకుండానే వెళ్లిపోయారు. ఆరు నెలల తర్వాత ధర్మాన ప్రసాదరావు ప్రభుత్వ అధికారిక కార్యక్రమానికి హాజరు కావడం చర్చనీయాంశంగా మారింది.

    వైయస్సార్ కాంగ్రెసు పార్టీ అధ్యక్షుడు వైయస్ జగన్ ఆస్తుల కేసులో సిబిఐ వాన్‌పిక్ వ్యవహారంపై కోర్టులో దాఖలు చేసిన చార్జిషీట్‌లో ధర్మాన ప్రసాదరావును ఐదో నిందితుడిగా చేర్చింది. దీంతో ఆయన తన మంత్రి పదవికి రాజీనామా చేశారు. రాజీనామాను తిరస్కరిస్తూ రాష్ట్ర మంత్రి వర్గ సమావేశం తీర్మానం చేసి, దాన్ని గవర్నర్‌కు పంపించారు. గవర్నర్ ఆ ఫైల్ తిరిగి ప్రభుత్వానికి పంపించారు.

    ఆ తర్వాత కూడా ధర్మాన ప్రసాదరావు రాజీనామా పెండింగులోనే ఉంది. రాజీనామా చేసినప్పటి నుంచి ధర్మాన ప్రసాదరావు అధికారిక కార్యక్రమాలకు దూరంగానే ఉంటున్నారు. ఒకటి రెండు సార్లు ముఖ్యమంత్రిని కలవడానికి వచ్చినప్పటికీ తన ఛేంబర్‌కు వెళ్లలేదు. సచివాలయం వెలుపల జరిగిన కొన్ని కార్యక్రమాల్లో ఆయన పాల్గొన్నారు. శానససభా సమావేశాలకు కూడా దూరంగానే ఉన్నారు. ఆ స్థితిలో ఆయన గురువారం అధికారిక సమావేశానికి హాజరయ్యారు.

    ధర్మాన తమ మంత్రివర్గ సహచరుడేనని మంత్రి రామనారాయణ గురువారంనాడు వ్యాఖ్యానించారు. ధర్మాన ప్రసాదరావు నిరుడు ఆగస్టు 14వ తేదీన తన పదవికి రాజీనామా లేఖ సమర్పించారు. ఎన్ఎసి బోర్డు చైర్మన్‌గా ముఖ్యమంత్రి వ్యవహరిస్తుండగా, రోడ్లు భవనాల శాఖ మంత్రి ఉపాధ్యక్షుడిగా ఉన్నారు.

    English summary
    The resigned Roads and buildings minister Dharmana Prasad Rao has attended official meeting today after a six months long gap.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more