• search

కరుణపై జయలలిత విసుర్లు: మార్పులేదని మాయావతి

By Srinivas
Subscribe to Oneindia Telugu
For Quick Alerts
ALLOW NOTIFICATIONS
For Daily Alerts
    Jayalalitha-Mayawati
    న్యూఢిల్లీ/చెన్నై: శ్రీలంకలోని తమిళ హక్కుల పట్ల వైఖరిని నిరసిస్తూ కేంద్ర ప్రభుత్వానికి మద్దతు ఉపసంహరించిన డిఎంకె అధినేత కరుణానిధి పైన అన్నాడిఎంకె అధినేత్రి, తమిళనాడు ముఖ్యమంత్రి జయలలిత మంగళవారం స్పందించారు. డిఎంకె మద్దతు ఉపసంహరణ ఓ నాటకం అన్నారు. డిఎంకె డిమాండ్ చేస్తున్నట్లుగా పార్లమెంటులో తీర్మానం వల్ల తమిళులకు ఎలాంటి ప్రయోజనం లేదన్నారు. ఐక్యరాజ్య సమితిలో తీర్మానం బలంగా ఉండాలన్నారు.

    శ్రీలంకలో తమిళులను ఊచకోత కోస్తుంటే డిఎంకె ఎందుకు స్పందించలేదని ఆమె ప్రశ్నించారు. అప్పుడు మిన్నకుండిపోయిన వారు ఇప్పుడు మాట్లాడటం విడ్డూరంగా ఉందన్నారు. కరుణానిధి వైఖరి వల్ల శ్రీలంక తమిళులకు ఎలాంటి మేలు, లాభం జరగదన్నారు. కరుణానిధి వైఖరిపై ఆమె ఎద్దేవా చేశారు. ఊచకోత జరుగుతున్న సమయంలో ఆ పార్టీ మాట్లాడలేదని నిప్పులు చెరిగారు.

    మా వైఖరిలో మార్పు లేదు

    యూపిఐపై తమ విధానంలో ఎలాంటి మార్పు లేదని బహుజన సమాజ్ పార్టీ అధినేత్రి(బిఎస్పీ), ఉత్తర ప్రదేశ్ మాజీ ముఖ్యమంత్రి మాయావతి అన్నారు. యూపిఏ-2కు తాము బయటి నుండి మద్దతిస్తామని స్పష్టం చేశారు.

    యూపిఏకు మరో షాక్

    ఇప్పటికే డిఎంకె ఉపసంహరణతో ఇబ్బందుల్లో పడిన కేంద్ర ప్రభుత్వానికి మరో పార్లమెంటు సభ్యుడు షాక్ ఇచ్చారు. విసికె పార్టీ ఎంపి తిరుమావలనన్ మంగళవారం యూపిఏకు మద్దతును ఉపసంహరిస్తున్నట్లు ప్రకటించారు. కాగా, ఈ రోజు సాయంత్రం డిఎంకె మంత్రులు తమ రాజీనామాలను ప్రధానమంత్రి మన్మోహన్ సింగ్, రాష్ట్రపతిలకు ఇవ్వనున్నారు.

    డిఎంకె మద్దతు ఉపసంహరణ నేపథ్యంలో కాంగ్రెసు కోర్ కమిటీ అత్యవసరంగా భేటీ అయింది. ఏఐసిసి అధ్యక్షురాలు సోనియా గాంధీతో పాటు చిదంబరం, గులాం నబీ ఆజాద్, ఆంటోనీ తదితరులు భేటీ అయ్యారు.

    English summary
    Tamilnadu CM Jayalalitha said on Tuesday that DMK pullout from UPA-2 is a drama.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more