• search

వారి వల్లేనన్న జగ్గారెడ్డి: వైయస్, చంద్రబాబు పైనేనా?

By Srinivas
Subscribe to Oneindia Telugu
For Quick Alerts
ALLOW NOTIFICATIONS
For Daily Alerts
    Jagga Reddy
    హైదరాబాద్: గత ముఖ్యమంత్రుల కారణంగానే ఇప్పుడు రాష్ట్రం అంధకారంలో కొట్టుమిట్టాడుతోందని మెదక్ జిల్లా సంగారెడ్డి శాసనసభ్యుడు, ప్రభుత్వ విప్ తూర్పు జయప్రకాశ్ రెడ్డి(జగ్గారెడ్డి) గురువారం అన్నారు. ఆయన ఉదయం విలేకరులతో మాట్లాడారు. గత ముఖ్యమంత్రుల వైఫల్యాల వల్లనే రాష్ట్రంలో ప్రస్తుతం ఇంత తీవ్రమైన విద్యుత్ సంక్షోభం ఏర్పడిందని ఆయన చెప్పారు.

    నాటి సిఎంల అనాలోచిత నిర్ణయాలకు ఇప్పుడు అనుభవించాల్సి వస్తోందని ఆయన అభిప్రాయపడ్డారు. ముఖ్యమంత్రి కిరణ్ కుమార్ రెడ్డి విద్యుత్ విషయంలో వాస్తవాలు చెబుతున్నారన్నారు. ప్రతిపక్షాలు విద్యుత్ సమస్యను తమ రాజకీయ లబ్ధికి ఉపయోగించుకోవాలని భావిస్తున్నాయని మండిపడ్డారు. విద్యుత్ సమస్య విషయంలో ప్రతిపక్షాలు ప్రభుత్వానికి సూచనలు ఇవ్వాల్సింది పోయి రాజకీయ లబ్ధికి ఉపయోగించుకోవాలని చూడటం దారుణం అన్నారు.

    తెలంగాణపై...

    తెలంగాణపై తెలుగుదేశం, తెలంగాణ రాష్ట్ర సమితి పార్టీలది రెండు నాల్కల ధోరణి అని మండిపడ్డారు. తెలంగాణ విషయంలో అసెంబ్లీలో తీర్మానం అవసరం లేదని గతంలో తెరాస అధ్యక్షుడు, మహబూబ్ నగర్ పార్లమెంటు సభ్యుడు కల్వకుంట్ల చంద్రశేఖర రావు చెప్పారని గుర్తు చేశారు. ఇప్పుడు ఆ పార్టీ సభ్యులే సభను అడ్డుకోవడం దేనికి సంకేతం అన్నారు. ఇది రాజకీయ లబ్ధి కోసం కాదా అని ప్రశ్నించారు.

    కాగా, గత సిఎంల వల్లే విద్యుత్ సమస్య అని జగ్గారెడ్డి చెప్పడం.. దివంగత వైయస్ రాజశేఖర రెడ్డి, తెలుగుదేశం పార్టీ అధ్యక్షుడు నారా చంద్రబాబు నాయుడులే లక్ష్యంగా ఆయన మాట్లాడినట్లుగా భావిస్తున్నారు. ప్రతిపక్ష నేత చంద్రబాబుతో పాటు పార్టీకి చెందిన వైయస్‌ను కూడా ఆయన విద్యుత్ సమస్యకు కారణంగా పరోక్షంగా చెప్పారని అంటున్నారు.

    తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

    English summary
    Government whip Toorpu Jayaprakash Reddy on Thursday blamed former chief minsters for present power crisis in Andhra Pradesh.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more