జగన్ పార్టీ ఎలా సహించిందో, నాతో కాలేదు: దానం
వైయస్ రాజశేఖర రెడ్డిపై అభిమానం ఉంది కాబట్టే తాము సిఎల్పీ కార్యాలయం నుంచి చిత్రాన్ని తీసేయలేదని చెప్పారు. అవిశ్వాస తీర్మానంపై చర్చ సందర్భంగా వైయస్సార్పై తెలుగుదేశం సభ్యులు చేసిన వ్యాఖ్యలు అభిమానులను బాధపెట్టాయని ఆయన అన్నారు. బాధ్యత లేని వ్యక్తినైతే ఆ సమయంలో తన ప్రతిస్పందన వేరే విధంగా ఉండేదని ఆయన అన్నారు. తెలుగుదేశం వ్యాఖ్యలు సహించలేక తాను బయటకు వెళ్లిపోయానని ఆయన చెప్పుకున్నారు. తనను తాను నియంత్రించుకోవడం చాలా కష్టమైందని ఆయన అన్నారు.
రాష్ట్రంలో విద్యుత్ సంక్షోబం పాపం తెలుగుదేశం పార్టీదేనని ఆయన విమర్శించారు. ఆ పాపాలను కడిగేసుకునేందుకు తెలుగుదేశం పార్టీ నాయకులు దీక్షలు చేశారని ఆయన అన్నారు. చంద్రబాబు ప్రభుత్వ హయాంలో జరిగిన విద్యుత్తు పోరాటాలను ఒక్కసారి గుర్తు చేసుకోవాలని ఆయన సూచించారు.
విద్యుత్తు సమస్యలను ఆనాటి చంద్రబాబు ప్రభుత్వం పరిష్కరించలేక రైతులను, ఆందోళనకారులను పొట్టన పెట్టుకుందని ఆయన వ్యాఖ్యానించారు. విద్యుత్తు సమస్యలను అధిగమించేందుకు ప్రభుత్వం ఓ వైపు ప్రయత్నాలు చేస్తుంటే తెలుగుదేశం పార్టీ నేతలు నిర్మాణాత్మక సలహాలు ఇవ్వకుండా రైతులను గందరగోళ పరచడం మంచిది కాదని ఆయన అన్నారు. మంత్రుల విదేశీ పర్యటనలు తప్పు కాదని, వ్యక్తిగత పనుల మీద సొంత ఖర్చులతోనే మంత్రులు రష్యా వెళ్లారని ఆయన చెప్పారు.
Click it and Unblock the Notifications
Sign in with Google