ఎపి టెట్ వాయిదా...విద్యార్థుల విజ్ఞప్తి మేరకే అంటున్న ప్రభుత్వం..

అమరావతి: ఉపాధ్యాయ అభ్యర్థులకు నిర్వహించ తలపెట్టిన టీచర్ ఎలిజబిలిటీ టెస్ట్ (టెట్)ను ఎపి ప్రభుత్వం వాయిదా వేసింది. 14వేల ఉపాధ్యాయ పోస్టుల భర్తీ కోసం ప్రభుత్వం ఇటీవల నోటిఫికేషన్ విడుదల చేసిన సంగతి తెలిసిందే.

అయితే దీనికంటే ముందే జనవరిలో టెట్ నిర్వహించాలని ప్రభుత్వం భావించింది. ఇందుకోసం ఏర్పాట్లను కూడా చేసింది. అయితే పరీక్షకు సిద్ధమయ్యేందుకు సమయం చాలా తక్కువగా ఉందన్న విద్యార్థుల నుంచి విజ్ఞప్తులు వెల్లువెత్తడంతో, వారి వినతి మేరకు టెట్ ను మూడు వారాల పాటు వాయిదా వేస్తున్నట్లు ప్రభుత్వం ప్రకటించింది. ఆ మేరకు బుధవారం ఉత్తర్వులు సైతం జారీ చేసింది.

ఎపి ప్రభుత్వ నిర్ణయంతో జనవరి 17న జరగాల్సిన టెట్ ఎగ్జామ్ ఫిబ్రవరికి వాయిదా పడింది. టెట్ వాయిదా ప్రభావం డిఎస్సీ మీద ఉండదని మంత్రి గంటా మీడియాతో అన్నారు. మరోవైపు ప్రభుత్వం నిర్ణయంపై ఉపాధ్యాయ అభ్యర్థులు హర్షం వ్యక్తం చేస్తున్నారు. తమ విజ్ఞప్తిని స్వీకరించి పరీక్షను వాయిదా వేయడంపై ప్రభుత్వానికి వారు కృతజ్ఞతలు తెలుపుకుంటున్నారు.

English summary

The AP government has postponed the Teacher Eligibility Test (TET) for teachers candidates. The government has recently issued a notification for recruitment of 14,000 teachers posts.However, the government hoped to hold tet in January. It also made arrangements for this. But AP government had announced that it was postponed tet to three weeks after their requests were made from students who had little time for the test. On Wednesday, the orders were issued. The tet Exam was scheduled for January 17 but now with the decision of the AP Government it will be held on February . On the other hand, teacher candidates are expressing their happiness on the government's decision. They are grateful to the government for accepting their appeal and postponing the test.