• search
For vijayawada Updates
Allow Notification  

    దుర్గ గుడిలో పూజలు: సీఎంకు రెండు నివేదికలు

    |

    అమరావతి: బెజవాడ దుర్గుగుడిలో జరిగిన పూజల వ్యవహారంపై దేవాదాయశాఖ, పోలీసు శాఖ వేరువేరుగా నివేదికలు సమర్పించాయి. విజయవాడలోని సీఎం క్యాంపు కార్యాలయానికి ముందుగా నగర పోలీసు కమీషనర్ గౌతం సవాంగ్ చేరుకొని ముఖ్యమంత్రి చంద్రబాబుకు పోలీసుశాఖ చేసిన విచారణ నివేదికను సమర్పించారు.

    ఆ తర్వాత, దేవాదాయ శాఖ మంత్రి మాణిక్యాలరావు, ఆ శాఖ కమిషనర్‌ అనురాధ కూడా శాఖాపరంగా తాము నిర్వహించిన విచారణ నివేదికను సీఎంకు అందజేశారు. దీనిపై సీఎం వేరువేరుగా రెండు శాఖలతో సమావేశమై వాస్తవ పరిస్థితిని అంచనా వేసి తదుపరి చర్యలకు ఉపక్రమించే అవకాశం ఉంది. రెండు రోజుల్లో మొత్తం 40మందిని దేవాదాయశాఖ చేసిన విచారణ అధికారి రఘునాధ్ ప్రశ్నించి విచారణ నివేదికను రూపొందించారు.

     durga temple puja report to CM Chandrababu

    ఆలయ ప్రధాన అర్చకుడు బద్రినాధ్ సహా పూజలో పాల్గొన్న బయట వ్యక్తిని కూడా పోలీసులు, దేవాదాయశాఖ కూలంకుశంగా ప్రశ్నించింది. దుర్గ గుడిలో అర్ధరాత్రి పూజల వ్యవహారంపై నిజనిర్ధారణ కమిటీ నివేదిక తొలుత దేవాదాయ శాఖ మంత్రి కార్యాలయానికి చేరింది.

    ఆలయంలో సంప్రదాయ విరుద్ధంగా పూజలు జరిగాయంటూ వచ్చిన ఆరోపణల నేపథ్యంలో ప్రభుత్వం నియమించిన నిజ నిర్ధరణ సంఘం అన్ని కోణాల్లోనూ విచారించి సంబంధిత శాఖ కమిషనర్‌కు సమర్పించగా.. దాన్ని ఈ సాయంత్రం దేవాదాయశాఖ మంత్రి మాణిక్యాలరావు కార్యాలయంలో సమర్పించారు. దీన్ని మంత్రి పరిశీలించాక ముఖ్యమంత్రి చంద్రబాబుకు మాణిక్యాలరావు అందజేశారు.

    ఈ నిజనిర్థారణ సంఘంలో సభ్యులైన దేవాదాయశాఖ అదనపు కమిషనర్‌ రఘునాథ్‌, ఆగమశాస్త్ర పండితుడు చిర్రావుల శ్రీరామశర్మ శుక్రవారం దుర్గగుడికి వచ్చి 40మందిని విచారించారు. వీరిలో కొందరి వాంగ్మూలాన్ని రికార్డు చేశారు. ఆలయ సంప్రదాయాలకు భిన్నంగా ఏమైనా జరిగిందా? అనే అంశంపైనా విచారించారు. అలాగే ఆలయంలో రికార్డయిన సీసీ టీవీ దృశ్యాలను పరిశీలించారు. వీటన్నింటినీ విశ్లేషించి రూపొందించిన నివేదికను ఈ రోజు కమిషనర్‌కు అందజేశారు.

    తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

    మరిన్ని విజయవాడ వార్తలుView All

    English summary
    Durga temple puja issue report given to Andhra Pradesh CM CM Chandrababu Naidu.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more