'మా ఊరి పేరులో వాస్తు దోషం ఉంది... మార్చండి'
విశాఖపట్నం: తమ ఊరి పేరులో వాస్తు దోషం ఉందని, వెంటనే పేరు మార్చాలంటూ గోకులపాడు గ్రామస్ధులు కోరుతున్నారు. వాస్తు దోషంగా కారణంగా ఊర్లో ప్రజలు వరుసగా చనిపోతున్నారని ఆవేదన వ్యక్తం చేశారు.
ఇంతకీ ఎక్కడుందీ ఆ ఊరు, పేరేమిటి అనుకుంటున్నారా..? వివరాల్లోకి వెళితే, విశాఖపట్నంలోని ఎస్. రాయవరం మండలంలోని గోకులపాడు అనే ఊరు ఉంది. రెండు రోజులు క్రితం ఈ ఊరికి సమీపంలోనే ఉన్న బాణసంచా తయారీ కేంద్రంలో పేలుడు సంభవించింది.
ఈ ఘటనలో ఆరుగురు మృత్యువాత పడగా, పలువురికి గాయాలయ్యాయి. ఆంధ్రప్రదేశ్ ప్రభుత్వం చనిపోయినవారి కుటుంబాలకు నష్టపరిహారం కూడా ఇచ్చింది. పాయకరావు పేట ఎమ్మెల్యే అనితి మంగళవారం బాధితులను పరామర్శించారు.
ఈ సందర్భంగా ఆమెతో మాట్లాడిన గ్రామస్ధులు, తమ ఊరి పేరులో దోషం ఉందని, వెంటనే పేరు మార్చాలని కోరినట్లు తెలుస్తోంది. ఈ ఊరిలో కూడా గత వారంలో పేలుడు ఘటన జరిగి ఇద్దరు మృత్యువాత పడ్డారు. ఇలా వరుసగా గ్రామంలో పలువురు మరణిస్తుండటంతో గోకులపాడు గ్రామస్ధులు తమ ఊరి పేరుని మార్చాలని అంటున్నారు.
Click it and Unblock the Notifications
Sign in with Google