రూ.12వేల ధరలో కేరళ ట్రిప్.. ఐఆర్ సీటీసీ ప్యాకేజ్

వేసవికాలంలో సెలవును సద్వినియోగం చేసుకోవాలంటే ఎక్కడైనా కొత్త ప్రాంతాలను చుట్టిరావాలని చాలామంది భావిస్తారు. అటువంటివారి కోసం ఐఆర్‌సీటీసీ టూరిజం కొత్త ప్యాకేజీ తీసుకొచ్చింది. కేరళ చూడాలని ఎప్పటినుంచో అనుకునేవారి కోసం ఆ రాష్ట్రానికి ట్రిప్ ప్లాన్ చేసేలా కొత్త ప్యాకేజీ అందుబాటులోకి వచ్చింది.హైదరాబాద్ నుంచి 'KERALA HILLS & WATERS ' పేరుతో ఈ ప్యాకేజీని ఆపరేట్ చేస్తున్నారు. 5 రాత్రులు, 6 రోజుల పాటు ఉంటుంది. మే 2వ తేదీ నుంచి అందుబాటులో ఉండే ఈ ట్రిప్ లో మున్నార్, అలెప్పీతోపాటు కేరళలోని పలు ప్రాంతాలు కవరవుతాయి.

ఒకటో రోజు: మధ్యాహ్నం 12:20 గంటలకు సికింద్రాబాద్ రైల్వే స్టేషన్ నుంచి ప్రయాణం మొదలవుతుంది. రాత్రంతా ప్రయాణంలో ఉంటారు.
రెండో రోజు: రెండోరోజు మధ్యాహ్నం 12.55 నిమిషాలకు ఎర్నాకులం రైల్వే స్టేషన్ కు చేరుకుంటారు. అక్కడి నుంచి మున్నార్.. హోటల్ కి వచ్చిన తర్వాత సాయంత్రం మున్నార్ టౌన్ లో పర్యటిస్తారు. ఆ రాత్రి మొత్తం మున్నార్ లోనే గడుపుతారు.
మూడోరోజు : మూడోరోజు ఉదయం ఎర్నాకులం జాతీయ పార్క్ కు వెళ్తారు. ఆ తర్వాత టీ మ్యూజియం, మెట్టుపెట్టి డ్యాం, ఎకో పాయింట్ చూస్తారు. ఆరోజు రాత్రి కూడా మున్నార్ లోనే బస చేస్తారు.

నాలుగో రోజు : నాలుగోరోజు ఉదయం హోటల్ నుంచి బయలుదేరి అలెప్పీకి వెళతారు. హోటల్ కి వెళ్లిన తర్వాత బ్యాక్ వాటర్ ప్రాంతాన్ని చూస్తారు. ఆరోజు రాత్రి అలెప్పీలోనే బస ఉంటుంది.

ఐదోరోజు : హోటల్ నుంచి బయటకు వచ్చిన తర్వాత ఎర్నాకులం చేరుకుంటారు. ఉదయం 11.20 గంటలకు తిరుగు ప్రయాణం మొదలవుతుంది.

ఆరో రోజు : మధ్యాహ్నం 12:20 గంటలకు సికింద్రాబాద్ రైల్వే స్టేషన్ చేరుకోవటంతో కేరళ హిల్స్ అండ్ వాటర్స్ ముగుస్తుంది.

కేరళ టూర్ ధరలు...
డబుల్ షేరింగ్ కు రూ.18,740 కాగా, సింగిల్ షేరింగ్ కు రూ.32,230గా నిర్ణయించారు. ట్రిపుల్ షేరింగ్ కు రూ.15,130 తీసుకుంటారు. 5 నుంచి 11 సంవత్సరాల వయసున్న చిన్నారులకు కూడా టికెట్ ధరలు నిర్ణయించారు. ఏప్రిల్ నుంచి జూన్ వరకు ఈ ధరలే అమలవుతాయి. టూర్ ప్యాకేజీలో టికెట్లు, హోటల్ లో వసతి, బ్రేక్ ఫాస్ట్, లంచ్, డిన్నర్ కూడా కలిపే ఉంటాయి.

English summary

Many people think of visiting new places to make the most of their summer vacation.