• search
For vijayawada Updates
Allow Notification  

    విజయవాడలో శ్రీ కృష్ణదేవ రాయల వైభవంపై స్పెషల్ ప్రోగ్రామ్

    By Suvarnaraju
    |

    అమరావతి: విజయవాడ త్వరలో ఒక వినూత్న కార్యక్రమానికి వేదిక కాబోతోంది. అలనాటి శ్రీకష్ణ దేవరాయల వైభవాన్ని బెజవాడ వాసుల ముందు సాక్షాత్కరింప చేయబోతోంది. అర్థం కాలేదా?...అయితే ఇది చదవండి.

    అత్యంత ప్రసిద్ధ విజయనగర సామ్రాజ్య చక్రవర్తి శ్రీ కృష్ణదేవ రాయలు గురించి తెలియచెప్పేందుకు కేంద్ర సమాచార ప్రసార మంత్రిత్వ శాఖ విజయవాడలో ''సౌండ్‌ అండ్‌ లైట్‌ ప్రోగ్రాం ఆన్‌ శ్రీ కృష్ణదేవ రాయ'' పేరిట ఒక ప్రత్యేక కార్యక్రమాన్ని ప్రదర్శించనుంది. రాష్ట్ర భాషా, సాంస్కృ తిక శాఖ దీని నిర్వహణకు అవసరమైన ఏర్పాట్లు చేయనుంది.

    దీనికి సంబంధించిన సన్నాహక సమావేశం రాష్ట్ర పర్యాటక శాఖ కార్యదర్శి ముఖేష్‌ కుమార్‌ మీనా అధ్యక్షతన సచివాలయంలో జరిగింది. ఈ ప్రదర్శనకు సౌండ్‌ అండ్‌ లైట్‌ కార్యక్రమం కోసం సువిశాలమైన స్థలం కావాల్సి ఉండగా, స్వరాజ్య మైదానంతో పాటు, సిద్దార్ధ అకాడమీకి చెందిన స్థలాలు చర్చకొచ్చాయి. స్థానిక కళాకారులకు ఏడు రోజుల పాటు ప్రత్యేక శిక్షణ ఇవ్వడం ద్వారా వారిని సంసిద్ధులను చేసి మరో ఏడు రోజుల పాటు ప్రదర్శనలు నిర్వహించాలన్న ముసాయిదాకు సమావేశం ఆమోదం తెలిపింది.

     Sound and Light Programme on Sri Krishna Devaraya in Vijayawada

    లైటింగ్‌-సౌండ్ అధారంగా జరిగే ఈ ప్రక్రియ వల్ల మన కళ్ల ముందే రాయల వైభవం జరుగుతున్నట్టు అనిపిస్తుందని, ప్రేక్షకులు కూడా రాయల కాలంలో ఉన్నట్లుగా భావిస్తారని కేంద్ర సమాచార ప్రసార మంత్రిత్వ శాఖ ఉన్నతాధికారి విజయకుమార్‌ రెడ్డి తెలిపారు. కార్యక్రమం విజయవంతమవ్వాలంటే వాతావరణ పరిస్థితులను కూడా పరిగణనలోకి తీసుకోవాలన్నారు. ప్రదర్శనకు అవసరమైన ప్రధాన కళాకారులు పది మంది బెంగుళూరు నుండి వస్తుండగా, ఇతరత్రా అవసరమైన వంద మంది కళాకారులను స్థానికుల నుండి ఎంపిక చేస్తామని సాంస్కృతిక శాఖ సంచాలకులు విజయ భాస్కర్‌ తెలిపారు.

    అలాగే ఈ కార్యక్రమాన్ని వీక్షించేందుకు తరలివచ్చే సందర్శకులకు ఏ ఇబ్బంది లేకుండా అన్ని ఏర్పాట్లు చేయాలని అధికారులను మీనా ఈ సందర్భంగా ఆదేశించారు. ప్రదర్శన జరుగుతున్న సమయంలో చూపరులకు ఆసక్తి కలిగించే విధంగా ప్రదర్శనశాలలను ఏర్పాటు చేయాలని, పర్యాటక, సాంస్కృతిక శాఖలతో పాటు శిల్పారామం, డ్వాక్రా సంఘాల ద్వారా స్టాళ్లు ఏర్పాటు చేయించాలని నిర్ణయించారు. అనంతరం అమరావతిలో ఈ తరహా ప్రత్యేక ప్రదర్శనకు కావలసిన ఏర్పాట్లపై కూడా ఈ సమావేశంలో చర్చించారు.

    తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

    మరిన్ని విజయవాడ వార్తలుView All

    English summary
    The Central Ministry of Information and Broadcasting department will present a special event in the name of 'Sound and Light Programme on Sri Krishna Devaraya' in Vijayawada soon.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more