పాదచారులపైకి కారు, ఇద్దరు మృతి: బాలిక అదృశ్యం

హైదరాబాద్: కృష్ణా జిల్లా అగిరిపల్లిలో మూడో తరగతి చదువుతున్న షేక్ ఆషియా అనే బాలిక అదృశ్యమైంది. బుధవారం సాయంత్రం ట్యూషన్‌కు వెళ్లిన బాలిక రాత్రి వరకు తిరిగి ఇంటికి చేరుకోలేదు. దీంతో ఆందోళన చెందిన తల్లిదండ్రులు పోలీసులకు ఫిర్యాదు చేశారు. దీనిపై కేసు నమోదు చేసిన పోలీసులు బాలిక కోసం గాలింపు చర్యలు చేపట్టారు.

శ్రీకాకుళం జిల్లాలోని రణస్థలం మండలం ఒరిసాంజంక్షన్ వద్ద జరిగిన రోడ్డు ప్రమాదంలో ఇద్దరు లారీ డ్రైవర్లు మృతి చెందారు. లారీలో జొన్నల లోడ్‌తో వచ్చిన డ్రైవర్లు సూరిబాబు, సూరి టీ తాగేందుకు రోడ్డు క్రాస్ చేస్తున్న సమయంలో ఓ కారు వేగంగా వచ్చి వారిని ఢీకొట్టింది. ఇద్దరిని కారు ఈడ్చుకెళ్లడంతో డ్రైవర్లు అక్కడికక్కడే మృతి చెందారు. దీనిపై పోలీసులు కేసు నమోదు చేసి విచారణ చేపట్టారు.

రైలుకు తప్పిన ప్రమాదం

ఇదిలావుంటే, రైలు డ్రైవర్ చాకచక్యంతో నెల్లూరు ప్యాసింజర్‌కు పెను ప్రమాదం తప్పిందింది. రైలు వస్తుండటంతో ఆందోళన చెందిన ఓ వ్యక్తి పట్టాలపై బైక్‌ను వదిలేశారు. దీంతో బైక్‌ను రైలు ఢీకొట్టింది. ఈ క్రమంలో బైక్‌లోని భాగాలు రైలు బ్రేక్‌ పడే దగ్గర చిక్కుకుపోయాయి. వెంటనే రైలు నిలిపివేసిన డ్రైవర్ జాగ్రత్తగా బైకు భాగాలను తొలగించారు.

ట్రాక్టర్ బోల్తాపడి ఒకరి మృతి

కడప జిల్లాలోని తొండూరు మండలం ఘాట్‌లో గురువారం ఉదయం ఓ ట్రాక్టర్‌ అదుపుతప్పి బోల్తా పడింది. ఈ ఘటనలో ఒకరు మృతి చెందగా, 15 మంది తీవ్రంగా గాయపడ్డారు. సమాచారం అందిన వెంటనే పోలీసులు అక్కడకు చేరుకుని గాయపడిన వారిని స్థానిక ఆస్పత్రికి తరలించారు.

English summary

In a raod accident in srikakulam district two lorry drivers dead. Mean while, a girl is missing from Krishna district.