‘లక్ష్మీస్ వీరగ్రంథం’ ఆఫర్ వచ్చింది, సిద్ధమే: వాణీ విశ్వనాథ్

అమరావతి: సినీ దర్శకుడు రాంగోపాల్ వర్మ తెరకెక్కిస్తున్న 'లక్ష్మీస్ ఎన్టీఆర్' చిత్రం వివాదాస్పదంగా మారిన మారిన విషయం తెలిసిందే. ఇది ఇలా ఉండగానే దర్శకుడు జగదీశ్వరరెడ్డి 'లక్ష్మీస్ వీరగ్రంథం' అంటూ మరో చిత్ర ప్రకటన విడుదల చేయడం చర్చకు దారితీసింది.

ఇవి రెండూ కూడా ఎన్టీఆర్ జీవితచరిత్రను ఆధారంగా చేసుకుని రూపొందిస్తున్నవి కావడం గమనార్హం. కాగా, లక్ష్మీస్ వీరగ్రంథం సినిమాలో నటి వాణీ విశ్వనాధ్ నటిస్తుందని వచ్చిన వార్తలపై కూడా వర్మ సెటైర్స్ వేశారు.

కాగా, దర్శకుడు కేతిరెడ్డి జగదీశ్వరరెడ్డి ఈ సినిమా కోసం సంప్రదించినట్లుగా నటి వాణి విశ్వనాధ్ తెలిపారు. 'ఈ సినిమా కోసం సంప్రదించారు. లక్ష్మీస్ వీరగ్రంథం సినిమాలో నటించమని అడిగారు. అయితే ఇంకా ఫైనల్ చేయలేదు. సినిమాలో నటించడానికి సిద్దమే' అని వాణీ విశ్వనాథ్ స్పష్టం చేశారు.

ఇది ఇలా ఉండగా, రాంగోపాల్ వర్మ రూపొందిస్తున్న లక్ష్మీస్ ఎన్టీఆర్‌లో రోజా నటించే అవకాశం ఉన్నట్టు వార్తలు వచ్చాయి. వర్మ సంప్రదిస్తే ఆలోచిస్తానని రోజా కూడా చెప్పడం గమనార్హం. ఈ వార్తలకు బలాన్నిచ్చాయి.

English summary

Cine Actress Vani Viswanath responded on lakshmis veera grantham offer.