హర్యానాలో ఆల్ఖైదా అనుమానిత ఉగ్రవాది అరెస్ట్
న్యూఢిల్లీ: ఉగ్రవాద సంస్థ ఆల్ఖైదాతో సంబంధాలున్నాయనే అనుమానంతో ఓ వ్యక్తిని హర్యానాలోని మెవాత్లో పోలీసులు అరెస్ట్ చేశారు. అబ్దుల్ సమిని అరెస్ట్ చేసిన ఢిల్లీకి చెందిన ప్రత్యేక విభాగం పోలీసులు విచారణ చేపట్టారు.
ఆల్ఖైదా తన కార్యకలాపాలను దేశంలో కొనసాగించేందుకు ఇతడు సహాయం చేస్తున్నట్లు అనుమానిస్తున్నారు. ఫిబ్రవరి 1 వరకు సమిని పోలీస్ కస్టడీలో రిమాండ్కు తరలించారు. సమిని ఢిల్లీ పోలీసులు విచారించనున్నారు.
ఒడిశా, ఉత్తరప్రదేశ్, బెంగళూరుల్లో కూడా ఇటీవల ఉగ్రవాద కార్యకలాపాలకు పాల్పడుతున్న కొందర్ని ఢిల్లీ పోలీసులే అరెస్ట్ చేశారు. ఆల్ఖైదా ఈ వ్యక్తులతోనే దేశంలో తమ ఉగ్ర కార్యకలాపాలను కొనసాగించేందుకు ప్రణాళిక వేసిందని పోలీసులు తెలిపారు.
దేశంలో ఇతర ప్రాంతాల్లో ఉన్న ఇలాంటి వ్యక్తులపై నిఘా ఉంచామని, త్వరలోనే వారందర్నీ అరెస్ట్ చేస్తామని ఢిల్లీ పోలీసు అధికారులు తెలిపారు.