తల్లి ప్రేమ అంటే ఇదే.. నెట్టింట ఫుల్ వైరల్ గా "పక్షి" వీడియో !!
పొలంలో దున్నే ట్రాక్టర్ ముందు రెక్కలు చాపి నిలబడిన చిన్న పక్షి వీడియో ఇప్పుడు సోషల్ మీడియాలో విస్తృతంగా షేర్ అవుతోంది. గుడ్లను కాపాడుకునేందుకు టిటిరి పక్షి చూపిన ఆరాటం నెటిజన్లను కదిలిస్తోంది. పెద్ద వాహనం దగ్గరపడుతున్నా అక్కడి నుంచి ఎగిరిపోకుండా, గుడ్ల ముందు నిలిచిన దృశ్యం మాతృప్రేమను మరోసారి చర్చలోకి తీసుకొచ్చింది. సాధారణంగా ఇలాంటి పరిస్థితుల్లో చిన్న పక్షులు ప్రాణభయంతో ఎగిరిపోతాయి. కానీ ఈ వీడియోలో పక్షి ప్రవర్తన భిన్నంగా కనిపించింది.
ట్రాక్టర్ నడుపుతున్న రైతు కూడా ఆ దృశ్యాన్ని గమనించి వాహనాన్ని ఆపినట్లు వీడియోలో కనిపిస్తోంది. పక్షి, గుడ్లకు హాని కలగకుండా ఇంజిన్ నిలిపివేయడం నెటిజన్ల ప్రశంసలు అందుకుంది. ప్రకృతితో వ్యవహరించే సమయంలో చిన్న జీవులకూ స్థలం ఇవ్వాలనే సందేశం ఈ దృశ్యం ద్వారా బలంగా వినిపిస్తోంది. తన గుడ్లను వదిలి వెళ్లకుండా, వాటికి రక్షణగా నిలబడటమే ప్రజలను ఎక్కువగా ఆకట్టుకుంది.
అందుకే వీడియోను చూసిన చాలామంది "అమ్మ ప్రేమకు జాతి, రూపం అనే తేడా ఉండదు" అంటూ స్పందిస్తున్నారు. టిటిరి పక్షులు సాధారణంగా నేలపై గూళ్లు కట్టే జాతికి చెందినవి. పొలాలు, బహిరంగ ప్రదేశాలు, తడి నేలల దగ్గర ఇవి గుడ్లు పెట్టడం సాధారణం. అందుకే వ్యవసాయ పనుల సమయంలో ఇలాంటి గూళ్లు కనిపించే అవకాశం ఉంటుంది. రైతులు, పొలాల్లో పనిచేసేవారు జాగ్రత్తగా గమనిస్తే అనేక చిన్న జీవులను రక్షించవచ్చు.
బబితా బిష్త్ అనే కంటెంట్ క్రియేటర్ షేర్ చేసిన ఈ వీడియోపై వేలాది మంది స్పందనలు వస్తున్నాయి. పక్షి ధైర్యాన్ని ఒకవైపు మెచ్చుకుంటుండగా, దానిని గౌరవించి ట్రాక్టర్ ఆపిన రైతు మానవత్వాన్ని మరికొందరు అభినందిస్తున్నారు. చిన్న సంఘటనలా కనిపించినా, ప్రకృతిని గమనించే మనసు ఉంటే జీవుల మధ్య బంధం ఎంత బలంగా ఉంటుందో ఇది గుర్తు చేస్తోంది. ప్రస్తుతం ఈ వీడియో ఫుల్ ట్రెండింగ్ గా మారగా.. ప్రకృతి ప్రేమికులు సైతం ఫుల్ గా షేర్ చేస్తూ కామెంట్స్ పెడుతున్నారు. అమ్మ ప్రేమకు ఏది సాటి రాదు అంటూ కొనియాడుతున్నారు.
Click it and Unblock the Notifications
Sign in with Google