గుర్తించలేకపోవడం మా తప్పే.. ఒప్పుకుంటాం: పీఎన్‌బీ ఎండీ సునీల్ మెహతా

Posted By:
Subscribe to Oneindia Telugu

న్యూఢిల్లీ: రూ.11,400 కోట్ల స్కాం 2011 నుంచీ జరుగుతోంటే ఎందుకు గుర్తించలేకపోయారని విలేకరులు ప్రశ్నించగా పంజాబ్ నేషనల్ బ్యాంక్‌ మేనేజింగ్ డైరెక్టర్ సునీల్ మెహతా సమాధానం చెప్పలేకపోయారు.

    Punjab National Bank Scam : ED Raids Nirav Modi Properties

    చదవండి: పీఎన్బీ స్కాం: ఇలా బయటపడింది.. కుప్పకూలిన బ్యాంక్ షేరు, ఇక ఇప్పుడేం జరుగుతుంది?

    పంజాబ్ నేషనల్ బ్యాంక్‌ ముంబై బ్రాంచిలో భారీ స్కాం నేపథ్యంలో ఆ బ్యాంక్ ఎండీ సునీల్ మెహతా గురువారం మధ్యాహ్నం అధికారికంగా విలేకరుల సమావేశం ఏర్పాటు చేసి వివరాలు వెల్లడించారు.

    ఈ లావాదేవీలు బ్యాంకు రికార్డుల్లోకి ఎక్కకపోవడం వల్ల తాము గుర్తించలేకపోయామని, తాము జనవరి మొదటి వారంలో గుర్తించగానే సీబీఐకి ఫిర్యాదు చేశామని, ఒకవేళ దర్యాప్తు సంస్థలు తప్పు తమదేనన్నా తాము ఒప్పుకుంటామని పేర్కొన్నారు.

    If probe agencies say our fault, will comply, PNB chief on Rs 11.4k cr fraud

    ప్రభుత్వం పరిస్థితిని పర్యవేక్షిస్తుందని, నేరస్థులను అరెస్టు చేసే ప్రయత్నాలకు పూర్తిగా మద్దతిస్తోందని మెహతా అన్నారు. ఈ విపత్కర పరిస్థితి నుంచి బయటపడగలమన్న నమ్మకం తమకు ఉందని, ఆ దిశగా చిత్తశుద్ధితో కృషి చేస్తున్నామని ఆయన ఆశాభావం వ్యక్తం చేశారు.

    తమ బ్యాంకు శాఖ నుంచి కొల్లగొట్టిన డబ్బును తిరిగి చెల్లించేందుకు వజ్రాల వ్యాపారి నీరవ్ మోడీ వద్ద గట్టి ప్రతిపాదనలేమీ లేవని, వారు సమర్పించిన ప్రణాళికలు కూడా అస్పష్టంగా ఉన్నాయని మెహతా చెప్పారు.

    ఈ స్కాంలో తమ బ్యాంకు శాఖకు చెందిన ఇద్దరు ఉద్యోగుల ప్రమేయం ఉందని, దీనిపై తాము జనవరి 29న సీబీఐకి ఫిర్యాదు చేశామని, సీబీఐ 31న కేసు నమోదు చేసిందని తెలిపారు. 'మేం జనవరి 3న ఈ అక్రమ లావాదేవీలను గుర్తించాం. ఇందులో పెద్దా చిన్నా తేడా లేదు, ఉన్నతస్థాయి వ్యక్తులు ఉన్నా వదిలిపెట్టే ప్రసక్తే లేదు..' అని స్పష్టం చేశారు.

    మరోవైపు వ్యాపారి నీరవ్ మోడీ, అతడి సోదరుడు బెల్జియం పౌరసత్వం కలిగిన నిషాల్ జనవరి 1నే విదేశాలకు పారిపోగా, ఈ స్కాంలో మరో నిందితుడైన మెహుల్ చోక్సీ జనవరి 4న, నీరవ్ మోడీ భార్య, అమెరికా పౌరసత్వం కలిగిన అమీ జనవరి 6న దేశం విడిచి వెళ్లిపోయినట్లు సమాచారం.

    ఇంకా వివాహం చేసుకోలేదా? తెలుగు మ్యాట్రిమోనిలో నేడే రిజిస్టర్ చేసుకోండి - రిజిస్ట్రేషన్ ఉచితం!

    English summary
    Punjab National Bank Managing Director Sunil Mehta had no answers when asked by the media on Thursday why it took so long for his bank to detect a fraud of such magnitude --- Rs 11,400 crores looted by jewellers, including billionaire Nirav Nodi, since 2011. Mehta said the transactions were not entered into the system and that it was detected only in the first week of January. “If probe agencies say it is our fault, we will comply by it,” he said.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more